荒島日記（新手、後宮甜）（不定期更新）: 計畫

我攞出過濾左既水俾大家飲，雖然過濾既水得好少，秋儀無顧慮就飲左落肚，而雪兒一開始好抗拒飲安全套過濾器過濾出黎既水，但又好口渴，最後都係皺住眉頭咁飲落肚，然後又做出個想反胃既動作，我俾佢依個行為真係搞到好想笑。

劉伯見龍蝦有排熟，所以叫我去沙灘個邊行一行，我唸唸下，好，睇下你想做咩，我離開之前吩咐雪兒同秋儀幫我加柴，秋儀俾左個ok既手勢我，而雪兒繼續無講嘢，亦都無望我一眼（唉，心攰）

去到沙灘，我問劉伯有咩想講。

劉伯：後生仔，你有無唸過離開依個島啊？
我：劉伯，你有辦法離開依度？

劉伯：我有辦法離開依度，辦法就係我地可以用竹整個竹筏出海啊嘛，我有塊大布可以做帆，咁我地可以迎風而出。



我：劉伯，你識整筏咁叻既？

劉伯：呵呵⋯我⋯經常到處旅行，所以坐得船多，木筏多，見識依個世界唔少事物，所以就識整囉，我見你有雙巧手，我地合作，一定可以整到筏離開依度，你唔通想係依度過一世？

我考慮左一陣然後講：咁好啦，咁我地依家開始整個骨架先啦。

我同劉伯整到夜晚，終於整到個竹筏初型出黎，然後帶住疲倦既身軀走翻去竹棚。
我同兩女講左今日同劉伯整木筏，大家過幾日準備一齊離開，秋儀好開心咁手舞足蹈，而雪兒無開心到，反而望左一眼劉伯，然後想同我講嘢，但唸下唸又唔講。



我打開包住龍蝦既香蕉葉，香到呢，雪兒同秋儀流曬口水咁望住，而劉伯俾左個手指公我。

我分左龍蝦俾大家，一人一隻，幫埋雪兒同秋儀拆埋肉出黎。秋儀大大啖好享受咁食住龍蝦，而雪兒好優雅咁慢慢細口咁食，如果依刻有紅酒就更好。
多左個隻細D既龍蝦，我都係俾左秋儀同雪兒，望住佢兩個食嘢既幸福樣，真係好開心。

夜晚，我同劉伯訓一邊，而秋儀同雪兒訓另外一邊，無再好似個晚同我一齊訓。

之後幾日，我一朝早起身就用竹籠去抓龍蝦，然後中午食完嘢之後，就同劉伯繼續整個竹筏，秋儀同雪兒都有黎幫手，幫手用樹藤綁好D竹，令竹筏更加結實D，劉伯走去拍一拍秋儀同雪兒脖頭，感謝佢地既幫忙，秋儀就好怕醜咁答應該既，而劉伯拍雪兒脖頭依個動作，令雪兒覺得好反感。

我再去摘埋十幾個椰子，綁住係竹筏四周，希望可以令竹筏浮力更好，而且係海上口喝可以飲椰汁解渴。



糧食儲備已經差不多，雪兒話想摘多D香蕉擺上竹筏度做糧食，有多D糧食儲備就唔怕係海上無得食，然後就走左去香蕉林個邊。劉伯話想去海邊睇下海面天氣如何，再決定幾時出發。我同秋儀係竹棚度等，依幾日既勞動，令我身體感到極度疲倦，我訓低休息一陣。

我訓一訓，突然唸起某D嘢，想起某個聲音，好似好熟悉，弊！我猛咁流汗，我坐翻起身望一望周圍，秋儀都因為依幾日而疲倦到訓午教，我小心地行落竹棚，驚吵醒午睡中既秋儀。

我第一次緊張到咁，我好恐懼，點解我之前無唸過，點解我咁X蠢，我恨不得打自己兩巴，我一路鬧自己一路跑，我個心跳得好快好快，我加速全力奔跑，跑去令我緊張、不安既方向⋯