荒島日記（新手、後宮甜）（不定期更新）: 雨見真情

滴答滴答⋯開始落雨啦，我地三個躲係竹棚下望住D雨越來越大，成個樹林都係落雨既聲音，哈，我既竹棚整得唔差，無漏水既跡象。唔到五分鐘，吧啦吧啦⋯雨勢已經大到一發不可收拾，好彩整左個竹棚，唔係既話大家都會因為依場雨淋到病左。我望一望女神，發現原來女神有偷望我，佢見我望佢就即刻望其他地方，扮到好似無望我咁（搞乜嘢啊你？）秋儀望住出面：好彩學東哥知道就黎落雨，即刻搭個竹棚俾我地避雨。

女神雪兒：大陸仔今次係幾叻既⋯（洗乜講啊，掂啊～）依場雨究竟會落幾耐啊？突然天空巨響，嚇到女神同秋儀攬埋一齊，兩女係度大嗌。

我地既火堆突然熄鬼左，氣溫開始下降，秋儀凍到係度震，原來頭先係河度個陣，秋儀整濕曬成身。我即刻除左自己件衫俾秋儀著，秋儀有D唔好意思，我話：著啦，我男人黎，又咁大隻，唔怕凍喔。秋儀聽完唯有著左我件衫。

氣溫下降得好快，越來越凍（我赤裸上身，凍到撲街）我走到另外一邊捲縮住訓教，希望咁可以暖翻少少，望住出面咁大雨，不知不覺我就咁訓著左。半夜我醒左一醒，仲落咁雨喔，好彩我地訓既依個位地勢高，唔會有水流過黎整濕我地訓既地方。咦，點解好似有人攬住我咁既？

我望一望左右，秋儀訓係我左邊，用雙手攬住我隻左手訓，而且捱得好近（我手臂掂到佢既Bcup胸啊～）只要伸個頭過去就可以錫到佢。而女神雪兒訓係我右邊，隻右手擺左係我心口上（可以同女神訓教，好開心啊～媽咪）可能因為我頭左右咁轉，整醒左女神雪兒，雪兒打開隻眼見我望住佢，即刻想離遠我少少訓後D。我即刻攬住雪兒，拉雪兒到我身邊，聞到女神身上既香味，好香啊，原來女神真係有仙氣，雪兒俾我咁既舉動搞到紅都面曬，我同雪兒互相望住，雪兒既呼吸聲同我既心跳聲係度共鳴，我個一刻真係好想嘴落去。



雪兒面紅咁講：大陸仔，你唔準對我做D⋯女神未講完，我就係女神額頭錫左一啖：放心啦，我唔係禽獸，我唔會逼你做D你唔願意既事。雪兒笑左一笑，然後伸手攬住我訓，而且攬得好緊。雪兒心口頂住我，對我造成9000點傷害值，我既小東東扯起身反抗，頂翻雪兒轉頭。

雪兒含羞咁講：你唔準曳曳啊⋯
我：知道啦⋯

我就咁攬住兩女再訓過。

當我再打開眼既時候已經係第二日，我望一望，我完全攬住秋儀係度訓教，秋儀背對住我，我扯X曬旗，小東東一直頂住秋儀，咦，女神醒左，走左去邊啊？秋儀：學東哥你終於醒啦？（下？你原來一直醒左咖？咁你未知我扯X曬旗）秋儀見我仲訓著，而且又攬到佢實一實，所以唯有陪住我訓，唔想整醒我。

秋儀：學東哥啊，你肯放手未啊？你攬得我好緊啊⋯嗯⋯我：對唔住。我即刻鬆手，秋儀面紅啵啵咁話：學東哥真係豬黎既，朝早雪兒見你一直仲訓咁，就不停係度搖頭（死啦，唔通女神覺得我係扮訓抽秋儀水？）雪兒見無落雨啦，所以係附近睇下情況。



我坐起身，望一望周圍既環境，到處都有積水，秋儀坐係旁邊整理頭髮。依個時候雪兒好緊張咁行翻黎：大陸仔，大鑊啦，你睇下D河水。我聽到雪兒咁講，我彈起身急急腳走去河邊睇。

夜晚個場雨太大，搞到河水都混濁埋，無得再直接飲D水。我俾之前用竹壺飲淨既5桶水俾秋儀同女神，秋儀望住竹壺講：一個竹壺得一杯水咁大，好快我地就無水飲既啦。

我望一望周圍，再望一望秋儀同女神，秋儀面紅曬咁得低頭，雪兒好無奈咁望住我，我再望一望個旅行袋：有辦法！

秋儀即刻衝過黎問：學東哥，你有咩辦法啊？雪兒：係囉，大陸仔，你有咩辦法？唔通我地再去睇下有無新既乾淨水源？我：你地等我一陣。講完我走去攞旅行袋出黎，左摷右摷，咦！係佢啦～