荒島日記（新手、後宮甜）（不定期更新）: 屍變

我同女神行翻去食海膽，從女神既眼中，我睇得出女神無之前咁開心，我安慰女神：唔好唔開心啦（安慰人必講既廢話），我知你已經盡左力啦，個女仔可能死左好耐，身體都僵硬。女神聽完我講，好激動咁望住我，又開始眼濕濕，我X，唔會又想喊啊嘛。

林雪兒指住我背後方向：大陸仔⋯你睇下啱啱埋女仔既沙係唔係有動靜⋯我聽完女神講就即刻望轉頭，無啊，無嘢啊。話口未完，一隻手從沙裡面伸左出黎，我同女神即刻大嗌：啊⋯屍變啊⋯

我抱起女神瘋狂向樹林方向跑，女神一D反抗都無，噢耶，女神心口不停盪下盪下，搞到我本能反應又開始黎料。我同女神躲係樹林個邊望向沙灘，條女屍無乜嘢喔，到處走黎走去，望黎望去，突然坐左起沙灘度，用雙手不停抹面。我：好似活人咁既，依家似係度喊咁喔。女神聽完我講就大膽咁行翻去沙灘個邊。

我：喂，林雪兒，你唔驚條女屍咬你啊，喂。女神無回應我繼續行，X，死就死啦，我就跑到女神身邊一齊行過去。差唔多行到女屍身邊，條女屍就係依個時候望翻轉頭：好嘢啊，我終於見到有其他生存既人啦～原來你無死到，sor。

依條女叫何秋儀，我開始有D印象佢係隔離B班既，而我同女神係A班。何秋儀151身高，心口⋯呃⋯應該差不多有B掛，一副童顏既樣，皮膚白白淨，哇X，點解你屎忽咁大既？同埋竟然有人魚線喔，哇喔，好想摸下佢。



女神：我叫林雪兒，依位叫大陸仔（我X你老味，介紹我可唔可以叫我名而唔係花名？）你要小心D大陸仔啊，佢好鹹濕咖，成日對人摸手摸腳。何秋儀聽完即刻望住我，冤枉啊，包大人，我係無辜咖⋯

秋儀：我係海上漂流左差唔多兩日，好彩有舊浮木俾我攬住透下，你地有無嘢食啊，我好肚餓啊⋯

我即刻開左兩個海膽俾佢，佢就不顧形象咁食海膽，我見好似唔夠飽，我在開多兩個俾佢，何秋儀既眼神帶出了感激，然後再繼續食海膽。唉，依家3個人，就得依D食物係唔夠食，我睇黎要再去尋找食物，我再潛落水撈多十個海膽上黎，唉，如果有網可以俾我抓龍蝦你話幾好。

咦，個邊舊石前面有個好大既旅行袋喔，舊大石遮住曬，所以我地一直無睇到。我走去打開個旅行袋，有幾本AV雜誌，同埋有把開山刀同幾個胸圍係裡面，仲有十幾包安全套係度，我好興奮咁打開雜誌黎睇，正啊，好掛住我屋企部電腦，好想瘋狂地睇鹹片。

林雪兒：大陸仔，你睇D咩睇咁入神啊？我嚇到轉頭望女神，女神幾時行過黎咖？女神望住我左手攞住本AV雜誌，右手攞住個胸圍：你個死鹹濕變態大陸仔真係無得救既啦，你好核突啊你。我都知自己今次真係水洗都唔清，所以都懶得解釋。



我咩住個旅行袋行翻去，秋儀好興奮咁問女神個旅行袋裡面裝左D咩，女神冷冷咁答：唔好睇啦，全部都唔係好嘢，死變態大陸仔。秋儀見我打開個旅行袋，係一堆安全套、胸圍同AV雜誌度摷黎摷去，紅都面曬，啊，摷到開山刀啦。荒島只要有開山刀在手，天下我有。

日日食海產飲椰汁都唔係辦法，而且我地三個人，對食物既需求更加大，我要睇下有咩山珍可以食下，順便睇下會唔會有猛獸出沒，唸唸下，個心都驚驚地，但話曬得我一個男人，好彩有把開山刀旁身，X那媽，頂硬上。

我同女神同秋儀講：你地係度等我一陣，我入去樹林個邊睇下環境，晚晚住海邊唔係幾好，海風又大濕氣又重，好容易病，如果我地依家係荒島度病左，就真係死咁既啦，我入去睇到啱住既地方就會翻黎。

女神無應我，只係望左我一眼，何秋儀就同我講：小心D啊，我地會係度等你。握起兩個拳頭，好似係度幫我打氣咁。何秋儀笑起身都幾甜，叔叔不行了。一邊行一邊係度唸，女神真係冷淡，如果女神好似秋儀咁同我講嘢就好啦。

入到樹林行左一陣，咦，我聽到有水流聲，有淡水，咁我地就可以解決食水危機啦～我加快腳步行去睇。係我眼前出現一條河，但條河唔係好大，亦都唔係好深，可以好清楚咁睇到水底，有魚同蟹喔，如果我有咁網你話幾好⋯



唔得，我一定要唸個辦法出黎，我要抓曬D魚同埋D蟹，海裡面個D龍蝦我都要抓X埋。我望一望周圍D樹，思考左一陣，有辦法！