荒島日記（新手、後宮甜）（不定期更新）: 女屍

林雪兒：快D起身啦，大陸仔，你想訓到幾時啊。我彈翻起身，今日天氣唔錯，大大力咁呼吸，住係香港依D石屎森林，真係好難呼吸到依種新鮮空氣。正當我享受咁陽光與海灘，女神突然衝左落海。

女神，你做咩唸唔開下海啊，你唔好同我講你想自殺，我見咁耐女神都未浮起身，我都跟埋狗衝落海：林雪兒～林雪兒～你唔會咁睇唔開自殺啊。

附近水面突然出現人頭既影，我即刻游過去，一嘢攬住：你唔好死啊林雪兒，我一定會想辦法帶你離開依度咖。話時話，我隻手揸住D咩咁彈手，又幾好手感喔。啪，我面上多左兩手掌印。

林雪兒：你個死鹹濕大陸仔，你再食我豆腐，我打到你手斷，我：係既係既，大佬，你做咩X衝落海啊你，我以為你要自殺。女神聽完我講就哈哈大笑：我見個海咁靚，所以就想游下水囉，係啦，我見到下面有龍蝦同海膽啊，但我潛得唔夠深攞唔到啊。

我：龍蝦？唔好玩啦，龍蝦夾斷手指咖，海膽就可以抓D俾你食。我一講完就即潛落海底，好彩得四五米深，我攞左兩隻海膽就游翻水面，但唸到女神可能會餓親，所以又再潛落去攞，就咁一上一下，撈左十幾隻海膽翻黎。



我用石頭打開個海膽，哇，D海膽肥美到呢，我都流曬口水，但為左顯現紳士風度，女神，你食先。女神唔客氣咁攞黎食，望翻女神，X，我要噴鼻血啦，女神成身濕曬，凸埋點啊，個波形狀大小完全展現出曬黎，再加埋女神嘟曬嘴咁食海膽，我X，小東東表示強烈抗議，希望自己嘔白泡俾女神食。女神大叫一聲。

林雪兒：大陸仔，你睇下海上個舊浮木，係唔係有人趴左係舊木上面。我望住女神手指指住既方向，係喔，真係有人趴係舊木上面喔，我即刻衝左落海，抓住個人游翻沙灘上。

抱到上岸先知，原來係個女仔黎。林雪兒一嘢推開我，幫個女仔做心肺復甦，又做埋人工呼吸，但個女仔一D反應都無，我摸一摸女仔既手腳：唔洗救啦，硬曬啦，已經死左救唔翻啦。女神聽完我咁講之後，眼淚水一直停留係眼眶⋯⋯我係沙灘附近挖左個窿，埋左個女仔。唉，個樣又唔差，可惜可惜⋯⋯