[真人真事][校園][純愛]《總有一天，會再次遇見》: 第四十三章

跟住夜晚陪佢食完飯

食完去佢屋企拎返幾個布甸

咁我就離開咗喇

唔係講笑,

佢整俾我嗰半打布甸





有幾日我真係當飯食

第一好食,第二飽肚

絕對唔係吹水又或者特登讚佢

跟住去到禮拜一就搞聖誕聯歡會啦

今年佢地係一定要搞





因為擔心唔可以全部同學都原校升讀中六

萬一真係唔可以嘅話,

呢批人就係最後一次喺學校搞聖誕聯歡會

問心講句我就冇乜特別感受

但我知有啲人都幾感觸





至於我會唔會係其中一個唔可以原校升讀中六嘅人

希望唔會啦

嗰陣我都係亂咁噏問下晞澄點睇

我:「你估下年會唔會冇我份呀嗱 」

晞澄:「講呢啲笑好好玩咩 」

我:「大佬做乜咁認真 」

晞澄:「梗係啦

如果你唔可以原校升讀,





咁咪即係話我呢個教你嘅唔掂 」

我:「我都係講下笑啫 」

晞澄:「一定得一定得 」

我:「呢啲鼓勵說話到時先講啦

依家講冇乜用 」

晞澄:「哦

係喎你食晒啲布甸未 」





我:「一早食晒啦

冇失水準喎 」

晞澄:「真係 」

我:「嗰半打我當飯食 」

晞澄:「又喺度吹水 」

我:「講真呀 」

晞澄:「咁我信住你先啦哈哈 」

我:「明明你就好爽





有人讚你整野好食 」

晞澄:「冇喎 」

我:「你個樣出賣晒你啦 」

晞澄:「係咩唔知喎

我過返去搵呀穎先喇 」

佢走嗰陣,

塊面都係掛住一個好深嘅彎月





點會唔出賣丫

跟住落嚟就係聖誕

我呢啲毒男

梗係幾個男仔圍埋一堆玩啦

基本上年年都係咁

今年都唔例外

其實都係出去湊下熱鬧

都冇乜特別所以唔多講喇

係平安夜晚啱啱踏入咗25號凌晨嗰刻

晞澄就sms講咗一句聖誕快樂咁囉

佢話佢同佢班女仔朋友都係喺條街玩緊

不過我地喺銅鑼灣,

佢地就喺尖沙咀

嗰陣我對佢呢個舉動就冇乜感覺

我只係覺得都係一句聖誕快樂啫

唔覺得有啲乜野特別,

聖誕之後,

大家都知啦

跟住嘅就係除夕

今年除夕就特別喇

話說晞澄有一日msn我

晞澄:「除夕有冇野做 」

我:「應該冇掛做咩 」

晞澄:「今年除夕會喺呀邊個邊個屋企嗰度搞party

你地去唔去 」

話說我地班,

有一個同學個屋企就好q大嘅

出晒名咁濟

佢本身個人都幾nice

好人嚟嘅

我:「多唔多人去 」

晞澄:「好似話好多人都去 」

我:「咁我問下我呀邦佢地先啦 」

問完之後呀邦佢地都話去

咁我冇理由拒絕丫

我:「去呀

我地有五個 」

晞澄:「好 」

我:「邊個屎忽痕諗到 」

晞澄:「你就屎忽痕

聖誕嗰晚我地講架

同埋借個屋企出嚟嗰個人都肯

咁咪成班人去玩囉 」

我:「ok嘅

不過佢屋企真係好大 」

晞澄:「你問我我問邊個

係喎你聖誕去邊度玩 」

我:「喺銅鑼灣亂咁行

成班情侶喺度放閃

不過都係自己抵死

明知係咁樣都要出去 」

晞澄:「哈哈

我地喺尖沙咀都唔係好你好多 」

我:「其實應該唔好出街先啱

早知喺屋企打機算啦 」

晞澄:「聖誕喺屋企打機咁慘

下年我約你囉 」

我:「好

如果我冇死又或者冇反面咪得囉 」

晞澄:「啋過你把口

我同你約實咗架喇

我就唔信有人早得過我 」

我:「冇

記得先算啦 」

晞澄:「睇下點 」