[真人真事][校園][純愛]《總有一天，會再次遇見》: 第二十九章
之後我地班就玩班際籃球啦
唔知係咪好好彩,
佢地班蛋散又符碌撞棍咁入到去四強
過下一關過下又一關,
當然我都同意運氣係實力嘅一種
話說我地班個風氣就係要成班人一齊去支持嘅
唔係講笑連班主任都喺度,
或者可以叫做幾團結嘅
至於籃球嗰個場面我就唔識形容
我自己本身都唔係打波,
希望各位讀者原諒啦
我淨係見到喺我隔離嘅晞澄睇到好肉緊
一見到我地班入波就好興奮
當然啦,
嗰班狗公梗係爽
見到自己女神喺度同佢地打氣
仲唔更加落力咩,
呢個係人之常情
絕對可以理解
不過去到最後我地班都係輸咗
聽佢地講其實好正常
因為對面有好多個學界成員喺度,
佢地個目標都係唔好輸得咁難睇啫
所以即使輸波都唔係話有啲乜野唔開心
反正已經係賺咗
跟住我見到我地班有條仔行過嚟搵晞澄,
呢條友都係晞澄其中一個嘅忠實支持者
依家打完波仲要輸埋,
我估就扮晒野行過嚟搵晞澄安慰下
求其俾個名叫佢做a啦
晞澄:「呀a頭先你地打得好好呀
唔好唔開心啦
」a:「多謝你呀
」晞澄:「頭先好型呀
」a:「真係
」晞澄:「係,
估唔到你打波都幾勁
」a:「麻麻地啦,
係勁就唔會輸啦
」晞澄:「又唔係嘅,
起碼呃到我呢啲外行人先
」a:「咁都好過冇嘅哈哈
」晞澄:「嗯,
下年再加油啦
」我喺隔離聽到啲對話,
見到嗰條狗公簡直係嘔心
喺度扮晒野打輸波唔開心
明明仲話預咗輸嘅
依家見到主人又喺度fing尾
可恥
我:「啲戲好到呢
」晞澄:「做咩呀
」我:「打輸波扮晒野行埋嚟搵女神安慰
」晞澄:「唔好咁話人啦
可能真係唔開心呢
」我:「明明聽佢講話對手勁預咗輸
行到嚟你面前就扮野
低級招數
」晞澄:「呷醋呀
」我:「係呀,
我好呷你醋呀
係咪唔得先
」晞澄:「好假呀
」我:「我認真喎
你唔係唔信我呀
」晞澄:「信你嗰個都傻
」佢嗰陣係用佢最吸引嘅表情嚟講呢句,
亦即係笑
其實我嗰陣係咪呷醋都係唔知,
可能我係真心覺得嗰條狗公用埋啲屎橋好核突
但係另一方面,
可能只係因為佢扮野而行咗過嚟搵晞澄先至咁反感啫
或者依家應該知答案,
但係嗰陣唔知丫嘛.
放咗學之後,
原本諗住同呀邦放
點知佢條蛋散話要趕返屋企
咁冇所謂啦,
我又唔係基佬
一個人放咪快啲返屋企
點知晞澄問我得唔得閒一齊去商場買啲野
我:「你搵呀穎啦
」晞澄:「你都傻嘅
佢係得就唔使問你啦
」我:「佢做乜
」晞澄:「佢管弦樂團今日要留低練習
咁啱我要去商場買野,
咪諗住搵你幫一幫眼
」我:「幫乜野眼
」晞澄:「屋企個杯爛咗,
同埋我要去買啲甜品用具
」我:「咁睇得起我
」晞澄:「係呀,
諗住你話邊隻好我就唔要邊隻
」我:「低b
」晞澄:「行啦
」之後去到商場就買咗整甜品嗰啲野先,
我:「其實你係咪一放假就整甜品
」晞澄:「唔係成日啦
」我:「但我見你成日都買
」晞澄:「有時得閒咪整囉
」我:「整完又唔拎過嚟
朋友喎
」晞澄:「咁你就要怪我呀妹
佢次次都俾面食晒
同埋你知你啦,
整得唔好食你又鬧
」我:「從來冇鬧過你整野唔好食
」晞澄:「成個女人咁
唉你講你幾時生日喇
」我:「八月十五
」晞澄:「你都係八月
」我:「唔得咩
」晞澄:「我早你十日咋喎
」我:「話咗你老啦
姐姐
」晞澄:「未見過有男仔兜口兜面話女仔老
都係大你十日咋,
喺度嘈
」我:「日日都有人生日啦
唔需要大驚小怪
」晞澄:「咁你就咪講啦
」我:「痴線唔係你講先啦咩
」晞澄:「係你囉好冇
」我:「你話乜就乜
不過係咪想整生日蛋糕俾我先
我又唔拘呀
」晞澄:「睇下到時得唔得閒先
呢啲梗係就我啦
」我:「多謝先啦
知你肯嘅
」晞澄:「唔好講住先啦買邊個呀
」我:「求其啦
」最後我叫咗佢買咗一個hello kitty水杯,
因為真係幾靚
難得佢都同意
跟住就返屋企,
唔使問就梗係送埋佢返去
好似變咗一個習慣
佢又唔介意,
老實講我都冇所謂,
唔好話佢就算係其他人我諗都應該會,
嗰陣我係咁樣諗
又講得遠咗返嚟先
晞澄:「今日場波都幾精彩
」我:「其實我冇乜點樣特別留意
」晞澄:「估到你企喺度扮野啦
」我:「我都唔鍾意打波
」晞澄:「打波嗰啲先溝死女呀
」我:「我唔做啲咁低賤嘅野
」晞澄:「係喎其實你玩唔玩運動
」我:「你知唔知我係x
我地中學個名)碧咸 」晞澄:「笑死
你唔尷尬嗰下先勁
」我:「老實講其實我都覺得唔似
不過佢地咁講就由佢地啦
」晞澄:「好野喎仲可以唔笑
講到咁犀利咁點解你地唔玩班際足球
」我:「中五嗰隊咁鬼勁
既然係做炮灰不如唔好做
」晞澄:「未打又點知啫
」我:「點會唔知先得
你估我係你咩烚下烚下咁
」晞澄:「你好醒
不過認真做運動嗰啲男仔真係幾型
」我:「我知你想讚我
」晞澄:「你呀,
諗下好喇
」我:「我知你實唔信
不過唔係講笑我自己都覺得自己幾型
」晞澄之後喺度笑,
晞澄:「你今日真係好幽默
講啲咁嘅野都可以面不改容
都未見過你認真玩運動點知呀
」我:「遲啲有機會嘅
到時你大聲嗌碧咸啦
」晞澄:「到時先算啦,
你成日得把口架啦
」我好記得我嗰陣喺度諗,
遲啲我一定要塞住你把口
當然我都係想懶型啦
喺學校裏面玩運動,
有邊個唔係想咁先得架.