[愛情甜故] 因為一次睇到佢打飛機,所以我地變咗做炮友: 156.S341.他的雨傘

我一臉愕然，因為我冇估到佢會主動話遮埋我番去
過咗兩秒，佢有啲唔耐煩咁望我
「係咪行呀…」葉子朗問
「哦…嗯！」我點點頭，然後行喺佢隔離
踏出地鐵站嘅時候仲係好大雨，小腿同鞋基本上都已經濕咗一半
佢微微將把遮傾向我，佢嘅博頭都已經濕晒，銀灰色嘅西裝外套都變咗做深灰色
我地過咗班馬線，我望一望左邊嘅咖啡店
「葉子朗，你可唔可以送我去咖啡店？」我問佢
「吓？」佢一臉訝異，彷彿好似想話：咁大雨仲買咩咖啡？
「你送我過去就得啦。」我微微一笑，「我慣咗番工一定要飲咖啡。」


葉子朗冇出聲，只係同我一齊行咗去嗰間咖啡店
去到咖啡店門口嗰陣，佢企咗喺門口，我望住佢，然後望一望手錶
「你就嚟要遲到啦，你番去先啦，我等陣間細雨咗會番去。」我微笑道
佢冇出聲，但皺起眉頭
「你快啲行啦！」我趁佢仲開住把遮就推佢行
點知佢行咗兩步，然後轉身，將把遮窒到我手中
「你拎住。」佢淡淡咁講咗一句，然後轉身就朝住公司嘅方向跑去
「喂！葉子朗！」我叫都叫唔切佢已經跑咗去，我望住手上把遮，一臉迷惘，然後細細聲咁自言自語道，「咁樣真係好咩…」
喺我買完咖啡出嚟嘅時候，已經細雨咗好多，個天都唔係白茫茫一片
我拎住葉子朗比我嘅嗰把遮行番公司，唔知佢點呢…


我有諗過宜家就上去將把遮還番比佢，但咁樣好似好奇怪咁樣…
突然上人地公司搵人，就係為咗比番把遮佢…
算啦…都係放工嗰陣喺公司樓下等佢，然後比番把遮佢啦…
我番到公司之後，第一時間就係番埋自己個位度放低杯咖啡同埋將把遮開出嚟，放喺位隔離打開吹乾
「嘩，你濕到咁嘅？」Wing行過嚟我個位度
雖然我上身都濕，但下身濕得最嚴重
「係呀…番嚟嗰陣好大雨呀…」我喺手袋入面拎咗包紙巾出嚟
「你唔好抹啦！去廁所用吹風機吹乾啦！」Wing拉住我行離我個位
「咁…好啦…」我點點頭
「快啲去啦！」Wing擔心咁講，「陣間凍親呀！」


我跑咗去廁所用吹風機吹乾個人，我將件外套除咗落嚟吹
呢個時候突然有人推門入嚟，係Wing，佢拎住個紙袋入嚟
「用風筒都吹一下啦！」Wing將個裝住風筒嘅紙袋遞比我
「唔該晒呀～」我一臉感激咁講
Wing轉身出咗去，我即刻用風筒吹
風筒吹出嚟嘅風好暖，我成個人都打咗個冷震
唔知葉子朗點呢…佢冒住雨跑番嚟，一定濕得仲勁
但佢身體唔差，都唔係易病嘅人
我個心始終有啲唔好受，如果佢病咗，一定係因為我…
佢比咗把遮我，自己冇遮番嚟，所以病嘅話，一定關我事
等把遮吹乾咗之後，我放工就還比佢，同佢道個歉
…
吹乾咗個身之後，我就出番去，將個風筒都還番比Wing
我番到埋位之後，Wing拎住我個水杯行嚟我個位度
「Venus，你淋過雨嚟，飲咗杯沖劑先啦！」Wing小心翼翼咁將個杯放低喺我面前


「你特登沖比我㗎？」我驚訝咁望住佢
「嗯！」Wing點一點頭，「快啲趁熱飲咗先啦～」
「多謝你呀！」我突然覺得整個心都暖暖的
「慢慢飲，我出番去先。」Wing笑一笑
我微微呷咗一啖，有啲熱，但係唔知點解特別甜
Wing對我真好～
我望住放喺我隔離嗰把遮，不禁又有啲擔心葉子朗
唔知佢係咪真係冇嘢呢…果然我都係有啲唔放心佢，但係…佢都咁大個人啦，應該都可以嘅…
放工嗰陣一定要將把遮還比佢同埋道個歉呀！
定係我今日晏就嗰陣落去睇下佢點，唔…但係突然行入人地公司好似唔太方便…
我突然間靈機一動，然後瞬速咁將Wing比我嘅沖劑飲完，拎住個杯出去
我行到出去，然後行到Wing個位度
「多謝你杯沖劑，我宜家好好多啦～」我微笑道
「咁就好啦～」Wing都笑一笑
「你今日好似好悠閒咁嘅？今日唔洗同F&A開會咩？」


冇錯，我靈機一動諗到嘅，就係向Wing打探一下
如果佢地今日要開會嘅話，咁我就可以順便睇下葉子朗點樣啦～

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link