[愛情甜故] 因為一次睇到佢打飛機,所以我地變咗做炮友: 152.S337.對她的愛

(人稱：葉子朗)
「你覺得我睇住佢難受我會好過咩？」我冷靜咁反問番靜愉，「我自問我對佢嘅愛唔會比你嘅少！」
「你有幾愛佢呀？」靜愉一下推開咗我，「我都唔明芷諾愛你啲咩，睇上你啲咩！你咁對佢，佢都可以為咗你義無反顧咁忍耐、等待！你一本日記咋，就令芷諾前功盡廢，一個瞬間就又愛上你，要番轉頭搵你追番你。」
靜愉鬧我，我冇怪佢，因為我明白只係佢想芷諾好，想芷諾開心啫
作為朋友，又點會捨得自己嘅閨蜜比人恰到上心口？
「嗰晚見佢喊住咁嚟搵我，你知唔知我有幾心痛佢呀！」靜愉皺起眉頭，「芷諾係我好姊妹，中學嗰陣係佢接受咗作為壞學生嘅我，冇人同我做朋友，係得佢一個接受我…我好珍惜佢，連要佢傷心，流一滴眼淚都唔捨得…」
佢再次轉過嚟面向我，一手指住我
「但我竟然任由佢比你恰！我好多次都想幫佢出番啖氣，但每次芷諾都會拉住我，同我講…子朗係好人嚟，佢係真心中意我㗎…我可以等佢，只要同佢一齊咩都冇所謂…」
「我知道芷諾對我嘅感情有幾深，我知道…」我撥開佢隻手，「我亦唔捨得要佢傷心，但係…如果可以見到佢嘅真心，我不妨再等一下。」
「最後話要結束嘅，唔係你咩？」靜愉問，然後輕輕一笑，再講，「講完要結束，然後仲喺佢附近睇住佢，就好似啱啱喺酒吧咁。」


「嗯，本來…係真係想要結束。」我輕輕一笑，走到欄桿前靠着
本來係真係想結束，本來…但係見到方芷諾嗰陣，明明心已經平伏咗，但係再見到佢嗰陣，心臟竟然噗噗噗亂跳
今日望住佢因為胃痛而難受嘅表情，我嘅心都連同佢嘅難受一同狠狠揪咗一下
的確，胃藥同水係因為佢而留落嚟嘅習慣，去到宜家我仍然習慣咗帶住喺身
而且，比咗本日記佢之後，我慢慢咁…見到佢嘅真心…已經好耐冇見過佢嘅真心同堅決
「希望你為咗佢嘅幸福著想，而幫我保密。」我微笑道，請靜愉幫我保密
靜愉諗咗一陣之後，答應咗我
佢一下就轉身，準備離開，喺離開之前佢講咗句：
「你記住，我幫你唔係因為你，我只係為咗芷諾㗎咋。」
靜愉仍然係好似以前一樣咁，依舊霸氣，依舊帥氣


我仍然企喺海旁，望住出面嘅海水盪漾，柔和的風吹過，我伸手將頭髮往後撥
唇膏嘅香味，似乎仍然殘留喺空氣之中，但更多嘅，係芷諾身上嗰種香味
芷諾身上嘅香氣，唔係源自於香水，因為芷諾唔中意噴香水，所以佢嘅香氣係源自於佢自己
…
一個鐘前…
我坐喺呢間bar嘅露天部份，方芷諾同靜愉就坐喺入面
方芷諾已經飲到醉晒，當芷諾同靜愉講嘢嘅時候，靜愉望咗出嚟，望到我，然後好似明白咗啲咩咁笑起嚟
過咗一陣，佢兩個埋單，靜愉拉起芷諾，扶住芷諾行出嚟
靜愉出到嚟，我行到靜愉同芷諾面前
「我送芷諾番去。」我捉住靜愉嘅手臂


「唔得，我點知你會對芷諾做啲咩？」靜愉望住醉醺醺嘅芷諾
「我咩都唔會做，淨係送佢番去，安頓好佢就走。」我堅定咁望住靜愉，「咩都唔會做。」
「芷諾，你企穩先，我拎一拎嘢。」靜愉鬆咗手，芷諾搖搖欲墜咁企喺度
靜愉盯住我，喺芷諾就嚟企唔穩，要向後跌嘅時候，我一手將佢拉咗入自己懷裏
「你番去先，我送佢番去。」我穩穩咁扶住芷諾，「你okay？」
「我唔易醉，你顧好芷諾就得啦～」靜愉微微一笑
我扶住芷諾行出去捷的士
的士好快就嚟到，我扶住佢上車
一上到車，佢就喺我博頭上蹭了蹭，佢頭髮嘅香味傳入我鼻中
「靜愉呀～」下一個瞬間，芷諾醉醺醺咁叫道，「我出現幻覺啦…竟然將你當咗做葉子朗…」
嗰下我冇出聲，因為唔想佢知道呢個唔係幻覺
但我真係好想同佢講，呢個其實唔係幻覺，我真係喺你身邊
佢再次蹭了蹭之後，直接就錫喺我臉頰上面
我嘅心臟頓時緊縮咗一下



IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link