[愛情甜故] 因為一次睇到佢打飛機,所以我地變咗做炮友: 151.S336.正因為我了解她

「葉子朗～我超中意你呀～」我喺靜愉嘅博頭上蹭了蹭，然後將手放喺佢面前豎起咗3隻手指，「8年啦～嘻嘻…」
我挽住佢嘅手臂
「靜愉呀～你要話比葉子朗知呀～要話佢知我有幾中意佢～」我拍拍佢嘅手，「我連幻覺都出現咗葉子朗呀～嘻嘻…」我就好似一個瘋人一樣，一時叫住靜愉個名，一時又叫住葉子朗個名，「子朗呀～如果番到以前，我一定會不顧一切咁同你一齊…就算有洛天恩嘅存在都好…我都一定會搶你番嚟…我想要時光機呀～」
靜愉大概都已經冇我乎，唯有由得我自己喺度自言自語
我想要嘅，係時光機呀～番到去8年前，同葉子朗第一次同我講想同我一齊嘅時候…
人地話，酒後吐真言，如果呢一刻喺我身旁嘅葉子朗唔係幻覺，而係真實嘅就好啦…
葉子朗…我好掛住你，好想…同你一齊…
…
(人稱：葉子朗)
手上拎住嘅手機突然響起，我望一望個手機螢幕


「喂…」
「方唔方便出嚟見個面？」
「嗯。」
「10分鐘後喺海旁見個面。」
電話「咔」一聲被掛斷
「唉…」我無奈咁嘆咗一口氣，然後著番起灰銀色嘅西裝外套就起身出去
我踏出大廈嘅大堂，向住海旁行去
行到去海旁，見到一個女仔就企喺燈下，靠住欄杆企
冇錯，佢就係叫我出嚟話見面嘅人
「咁夜搵我出嚟做咩呀…靜愉…」我行到佢隔離停下


呢個女仔，就係方芷諾嘅好朋友，靜愉
「送咗芷諾番屋企未呀？」靜愉轉身望向我，然後露出一個意味深長嘅微笑
「嗯，我係安頓好佢先出嚟。」我望住靜愉
「如果比芷諾知道，啱啱見到嘅唔係幻覺，係真係葉子朗嚟，佢應該開心到成晚唔洗瞓～」靜愉笑住講
嗯…啱啱方芷諾以為自己飲醉咗所以出現幻覺見到我，但其實唔係…
所以你地應該明白啦…啱啱佢講嗰啲嘢，我一字不漏、完完全全咁接收晒
「你連臉頰上面嗰個豆沙色嘅唇印都未抹呢～」靜愉指一指我左臉頰，然後低頭笑
我有少許尷尬咁伸手將唇印抹走，靜愉係特登約我出嚟笑我…？
「你約我出嚟係想點？」我問道，然後淺淺一笑，「背住你嘅好姊妹約佢中意嘅男仔出嚟。」
「係得個傻妹咁傻，先會咁迷你，仲要追番你轉頭。」靜愉冷笑一下，佢轉番身過去，面向住維港，手交疊咁放喺欄桿上，「你明明就仲中意芷諾，點解就要咁樣對佢？你嘅冷淡，知唔知令佢有幾難受？」


「我對佢嘅冷淡，同當年佢對我嘅冷淡有分別咩？」我反問道，「一樣都係中意對方，但係又要將對方拒於千里之外…」
「你對佢都太冷淡啦掛…」靜愉一副心疼芷諾嘅樣，「你嘅一舉一動都令佢心動，你做小小嘢，佢都可以開心一日…」
我呢一刻，無言以對…啱啱喺車上面望住靠喺我博頭上面、對住我呢個「幻覺」自言自語，最後靠喺我博頭上瞓著咗嘅佢，的確同以前嘅佢…有幾分相似
白裏透紅嘅臉頰，水潤嘅雙唇，長長嘅睫毛，柔軟嘅頭髮，就好似當初嘅佢一樣
喺車上嘅心動，並唔係因為佢嘅吻，而係由佢口中講出嚟嘅一字一句
「不顧一切」，呢四個字就足矣令我心動，但係我亦必須狠心一次，按捺一次
「今日佢枱上面個麵包，你你放㗎係咪呀？」靜愉望向我
「嗯…」我回答，「佢個胃容易唔舒服…」
「你知唔知呀，今日我同芷諾一齊食飯嗰陣，佢好開心咁同我講覺得個包係你放低比佢，仲講今朝早佢胃唔舒服，發現咗你仲有佢留落嚟嘅習慣…」微風吹過，靜愉撥一撥頭髮，面上帶住惋惜嘅笑容
「靜愉…你覺得我真係會唔知道咩…」我笑咗一笑
8年嚟，佢嘅習慣、性格、喜好，我都好清楚，我又點會唔知道佢嘅反應？
「人唔失去一次，係唔會知道邊個先係自己最愛，唔失去一次…佢又點知道珍惜呢…」我再講，「你係為佢好嘅話，就幫我瞞佢一次。」
「你覺得我會忍心睇住芷諾難受咩？」靜愉行到我面前，揪住我嘅衣領，「中學嗰陣，你背住洛天恩搞咗佢，你估我唔知呀？如果唔係芷諾叫我唔好出聲，如果唔係佢對你有情，我一早就打咗你啦！」
我靜咗落嚟，冇出聲
「係你，要芷諾同你挽地下情，你係中意佢嘅，做咩唔一早飛咗洛天恩呀！」靜愉更用力咁捉住我衣領，我嘅衣領都皺起嚟，「要芷諾睇住你同洛天恩光明正大咁一齊，佢會開心咩？你有冇諗過佢嘅感受至真呀！」



IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link