[愛情甜故] 因為一次睇到佢打飛機,所以我地變咗做炮友: 149.S334.我的心只為他而動

「嗯！」我有信心咁點頭，但下一秒又開始有啲猶疑，「我估應該係佢，因為Joe入嚟嗰陣手上只有文件，我係睇住佢入嚟㗎～」
「唔…可能真係佢掛～」靜愉笑咗一笑
「我經過會議室嗰陣，真係見到佢喺入面㗎！」我好激動咁講，我個心都連同我嘅激動一齊猛烈咁跳動
「我知啦我知啦！」靜愉無奈咁講，「你睇下你呀，人地做咗少少…仲要唔知係咪佢做㗎添，你都開心到咁啦！」
「葉子朗原來真係喺我心入面佔咗一個席位，一直以嚟只係我唔覺咋…」我露出淺淺嘅笑容
「今晚出唔出嚟飲嘢呀？聽日唔洗番工喎～」靜愉問道
「唔…」我心入面猶疑緊，但聽日又真係唔洗番工，而且出嚟同靜愉飲下嘢都好，好耐都冇同佢Girls' talk，「好呀～今晚收工喺番同一間bar等啦～」
「好呀～」靜愉都笑一笑，然後將一隻鐵叉遞比我，「食嘢先啦～」
…
我同靜愉食完飯，靜愉就行另一邊番公司


我拎喺手上嘅手機響起嚟，我望一望個手機螢幕，係周樂恆，我就接咗電話
「喂？係咪要買飯比你呀？你想食咩呀？」我問
「咁醒嘅你？又知我要食飯。」周樂恆笑咗一笑
「我叻囉，第一日識你定係第一日做你秘書呀？」我都無奈咁笑咗一笑，「咁你想食咩呀？」
「唔…你喺邊呀宜家？」周樂恆問，睇嚟佢想睇下我喺邊度先再決定佢要食咩
「我喺公司附近嘅茶餐廳呀，你想食咩？」我停咗喺原地，行埋一邊
「咁呀，食個炒飯得啦，要熱檸水。」佢話
「咁好啦，bye bye。」
我收咗線之後，又行番轉頭番去嗰間茶餐廳買個外賣番去比周樂恆
睇嚟佢又係一樣，掛住做嘢，連Lunch都懶得去買


我企喺門口等外賣嗰陣，眼尾餘光見到兩男一女行緊過嚟
我抬起頭向嗰邊望去
「Venus！」我都未望清楚，嗰個女仔就叫我個名，然後跑嚟我面前
「Wing？你地嚟食飯呀？」我望住Wing微微一笑，然後望向行緊過嚟嗰兩個男人
左邊係Joe，右邊係葉子朗
望到葉子朗嘅瞬間，我嘅心又再比佢撩動起嚟
「我地買個飯就番去開會啦～」Wing同我講，「我入去買飯先啦～」
「嗯！」我點點頭
Joe望向我，微微一笑，點一點頭，然後跟喺Wing身後推門入去
葉子朗企喺門口冇行入去，門外只有我同葉子朗


我冇望佢，佢亦冇望我
我不時偷偷瞄佢一眼，佢嘅側面依舊好看，但係當年嘅稚氣少咗幾分，成熟感多咗幾分
佢嘅一舉一動都撩動我嘅心
佢微微抬氣下巴，眉頭輕輕一皺，下一秒就耷低咗頭，伸手托住額角
「你係咪頭痛呀？」我柔聲問道
「嗯…」佢細聲嗯咗一聲
「唔好成日咁夜瞓，唔好成日熬夜…」我微微一笑
「小姐你嘅炒飯。」一個著住圍裙嘅嬸嬸喺入面行出嚟，將一個裝住飯盒嘅膠紙遞比我
「唔該。」我接過膠袋嘅同時，Wing同Joe行出嚟，我望向Wing，「我番去先啦，總裁等緊個飯盒。」
「嗯，咁你快啲番去啦！」Wing點點頭
冇聽到葉子朗嘅回答我就走咗，我都想等埋佢地㗎，但係周樂恆等緊呢個飯盒
我番到公司，然後將個飯盒比咗周樂恆，我就出番去繼續做自己嘢
…
我抬頭望鐘，已經到咗收工時間，已經6點
外面嘅同事冇走，因為大家手上嘅嘢未做完，唯有開OT繼續


我執一執枱面上嘅嘢，然後望向周樂恆嘅辦公室，佢仲未出嚟嘅？
我企起身行過去敲門
「叩叩。」「入嚟。」
我推開木門，然後行咗入去，再輕輕閂埋門
「你今晚6點半仲約咗uncle食飯，唔好太遲走。」我微笑道
「係喎…你唔提我都差啲唔記得咗…」周樂恆向後靠喺椅背上，合起雙眼伸手輕輕掐住鼻樑
「你唔好太遲走，你知啦～uncle唔中意人地遲到㗎嘛～」我提一提佢
「嗯…」佢點點頭，然後單起一隻眼，「你走先啦…我再坐多一坐…」
「嗯，咁好啦，你唔好坐到恰着咗呀～」我微微一次，然後出番去
我拎起手袋然後就打卡收工，行去嗰間bar嗰度等靜愉

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link