[愛情甜故] 因為一次睇到佢打飛機,所以我地變咗做炮友: 144.S329.這次到我了!

「我睇完你本日記，真係好揪心…見到你對我嘅態度，我更難受…」我定睛凝視佢，個心噗噗咁快速跳動，「我諗咗好耐，沉澱咗好耐，亦搵人傾過…我慢慢發現，原來係我…係我否定你喺我心目中嘅地位…」
今次換我等你啦！
「我喺心中，原來已經一直留咗一個位置比你…唔係冇感覺㗎…」我伸手捉住佢衫袖嘅衫角，「我知道你等咗我8年，明明可能唔會有結果但係你都揀咗等我，你冇放棄過我㗎！放棄嘅人…係我至啱…」
「你宜家講咁多嘢有咩意思啫？」一個重重嘅呼吸，好似已經代表咗佢想講啲咩一樣，「都已經過咗去啦。」
「有意思㗎！」我冇辦法掩飾內心嘅著緊，「有意思㗎…我…中意你…」
我不敢再定睛望住佢，同佢對望，於是我微微耷低頭
「嗯，但我唔已經放棄咗。你以前同我講，我大概會即刻應承你，但宜家…」佢臉上仍然掛住冷漠嘅表情，「我放棄咗啦已經，你又何必咁樣呢？」
「我知道自己對你嘅感覺有幾多啦！」我輕皺眉頭
「你宜家先知，已經太遲啦。」佢推開咗我隻手
我不知所惜起嚟，雙手一直握緊


「唉…」葉子朗見到我嘅慌張，嘆咗一口氣，「我等咗你8年，你係點對我？以前因為有洛天恩，你話我唔可以一腳踏兩船咁過份，你拒絕咗我，但我知你係中意我，所以唔緊要…但宜家我真係摸唔透你啦…你突然間有一日同我講話唔想再係咁樣，想要改變，想要了斷…我真係唔知要點先啱，我愈嚟愈睇唔透你啦…」
「我係一直急住要放低，所以令自己都唔知自己想點…但係我宜家知啦！真係知啦！」我用力咁點頭
我…好想佢比次機會我呀！宜家我心入面咩都冇，淨係想佢比次機會我，原諒呢個曾經推開佢嘅我
「方芷諾，我真係睇唔透你…」葉子朗搖搖頭
「你呢一刻唔接受我，唔緊要…」我苦笑起嚟，然後深呼吸，鼓起勇氣，「我一定會等你番轉頭㗎！」
葉子朗，你追咗我8年，宜家到我追你啦！
「你等到咪等。」葉子朗微微點頭，然後拋下呢句話
「嗯！」我露出笑容，「我一定等到你！」
佢一臉愕然，或者係覺得點解我會咁有自信心覺得一定等到佢
「時候都唔早啦！你番去休息啦～」我微笑道


「嗯。」佢點頭，然後就直行
喺佢推門入大堂嗰一刻，我大聲咁叫住咗佢
「葉子朗！」
佢聽到我叫佢，然後回頭望我
「我地聽日見啦！」我大嗌同佢講
我講完之後就轉身走，個心仍然係好快咁噗噗跳，我偷偷將手放喺自己心口前面，偷偷咁鬆咗一口氣
我行咗兩步，又回頭望佢
我眼前嘅葉子朗曾經對我好真誠咁愛我，但係因為我「掉低」咗佢一段好長時間，當我發現自己真心嘅時候，佢就已經成長咗啦，唔再係嗰個一直天真爛漫咁等我嘅葉子朗
但係因為佢突然間「一夜長大」，令我有啲手足無措呢～
等待，從來都唔係一朝一夕嘅事，係長久、係未必有結果


有啲人面對等待，會選擇未行就先放棄，聽到冇機會就即刻放棄一切可能
有啲人面對等待，會選擇一心一意，堅持不懈
我一路行番屋企，一邊諗
「到底我要點做先好呢～」我喺心入面自言自語
宜家唔可以咁急進，要慢慢嚟，要等佢先接受到我，等佢接受到先，然後再慢慢令佢回頭
我諗呢個係最好嘅方法掛…
「嘻…」我忍唔住笑咗出嚟，同佢講咗，成個人都輕鬆晒
我一蹦一跳咁行番屋企，嚟緊我會努力㗎啦！
…
早晨！今日嘅陽光好好呀！睇嚟連個天都幫我打氣！
我琴晚whatsapp咗周樂恆，同佢講話之後都唔洗接我，因為我會搭地鐵番工
嗯！搭地鐵係為咗葉子朗！一諗起佢，突然間成個人都好有幹勁

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link