[愛情甜故] 因為一次睇到佢打飛機,所以我地變咗做炮友: 131.S316.過去篇III

「呀…好攰呀…」葉子朗伸手攬住我
「咁休息一陣再溫啦～」我微微一笑
「你今日做咩呀？」葉子朗鬆開手，然後側側頭望住我
「咩做咩呀？」我問
「你好似唔係太開心咁嘅？」佢問我
「冇呀～」我笑一笑
「你中唔中意我呀？」佢望住我
「咁你中唔中意我呀？」我反問番佢
「中意呀～」葉子朗即刻答
「中意我多啲定洛天恩多啲呀？」我追問


「我中意方芷諾多啲。」佢笑起嚟，然後將我擁入懷裏，「做咩呀～」
「冇呀…」我搖搖頭，佢喺我臉頰上面錫咗一啖
「唔好唔開心啦～我淨係中意你咋嘛～」葉子朗甜笑
「你呀…收心養性啦…」我無奈咁講
「咩呀？我有好好讀書㗎！」葉子朗坐番好個人，「你都睇到我成績進步咗好多㗎！」
「我唔係講讀書呀…係講緊感情呀…」我耷低頭，「你呀…有女朋友㗎啦…我同你咁樣…真係唔啱㗎。」
「又講呢樣嘢…」佢企咗起身，行咗去梳化嗰度坐低，「咪話咗我對佢冇感情囉…」
「唔係，你唔係完全冇感情…」我搖搖頭，「你個心有佢…」
「冇呀…」佢唔耐煩咁答我
「你中意洛天恩…」我細聲咁講，「你唔可以咁貪心㗎…」


「我想要同你一齊有幾貪心呀？」佢行到我面前，一手拉起我，「我想同自己中意嘅人一齊有咩錯呀？」
「你有女朋友，仲同我一齊就係有錯…」我望住佢
「你唔中意我咩？你唔想同我一齊咩？你心入面冇諗過要同我一齊？」佢用力捉住我手臂，「你就唔可以安心同我一齊咩？」
「安心同你一齊？做你同洛天恩嘅第三者，安心同你地下情？」我想推開佢隻手
「我會處理。」佢只係比咗呢四個字做答案
「我唔想做第三者呀！」我用力甩開咗佢隻手
「唔好又番嚟呢個問題得唔得呀！」佢行番去梳化度坐低，伸手撥撥頭髮，「做咩下下都要講番呢個問題啫！我淨係想同你一齊咋！我想同自己中意嘅人一齊咋！」
我企喺原地望住佢一個苦惱嘅樣，我個心唔好受…
我行到去佢面前，喺佢雙腳中間嘅位置跪低
「我唔係怪你呀…」我輕輕捉住佢嘅前臂，「只係呢件事一定要有個結果。」


「嗯…」葉子朗細細聲咁嗯咗一聲
見到佢咁樣，我自己都唔好受…
我喺佢臉頰上面錫咗一啖
「唔好咁啦～」我苦笑道
「嗯…」佢點頭
「今日唔溫書啦～」我話，然後我行到去餐桌前，將啲書都收好，疊番好
執完之後，我行到去佢隔離坐低
「乖啦～」我笑一笑，「唔好唔開心啦～」
「我只係想同你一齊咋…」佢攬住我講，「真係…」
「嗯…」我點頭，「我知道…」
我同佢對望，兩個人慢慢咁靠近對方，唇都碰上了
葉子朗…你真係一個陷阱…注定我會成為你嘅囊中物…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link