[愛情甜故] 因為一次睇到佢打飛機,所以我地變咗做炮友: 130.S315.過去篇II

「喂！你行咁快做咩呀！」葉子朗跟喺我身後
「你行咁快做咩就真，陣間比人見到你話幾尷尬…」我話
「喂呀！唔緊要啦！」葉子朗追咗上嚟，行咗喺我隔離
「緊要囉…」我無奈咁望一望佢，然後指住正前方
我望到遠處，其實都唔係好遠，洛天恩企咗喺葉子朗屋企樓下
「你女朋友就喺嗰度，你話緊唔緊要呀？」我笑一笑
「救命呀…點解佢又喺度㗎！」葉子朗對住我講，然後就跑咗去，「我晏啲搵你！」
唔洗搵我都得㗎啦…
洛天恩一定會纏住佢，佢唔會有時間搵我
佢跑咗兩步又停低咗，又向我跑過嚟


「今日我地就溫書，你經後門上去。」佢同我講完，然後又跑走咗
我行另一條路，繞入佢住嘅嗰幢大廈搭升降機上去
上到佢嗰層，我企喺佢屋企門前嘅鐵閘，然後蹲下，稍稍揭開放喺門前嘅地氈，拎咗喺地氈下面嘅鎖匙
我就係咁就入咗佢屋企～
喺梳化坐咗一陣，門鐘就響起，我開咗門比佢
「洛天恩真係痴線㗎！」葉子朗皺起眉頭，然後好快咁閂埋咗道大門同鐵閘
「做咩呀？」我行番去梳化度坐低
「佢囉…又開始發神經啦…」葉子朗話，「佢就嚟連我識咩朋友做緊咩都要管㗎啦！」
「嗯…」我點頭，「咁咪唔好比佢管囉～」
「唉…唔比佢管佢又會唔開心，費是啦…」葉子朗無奈咁講，「唔想佢陣間又唔開心…」


聽到葉子朗咁講，我心入面有啲唔開心，但…我冇咩資格唔開心…
葉子朗留意到我臉色一沉，然後即刻就攬住我
「唔係呀唔係呀！」葉子朗攬住我，「咁你知㗎啦～陣間佢唔開心又煩住我，咁我又少咗時間見你㗎啦嘛～」
「嗯…」我點頭
其實佢…都在意洛天恩嘅想法，都會怕佢唔開心…
佢對洛天恩並唔係完全一啲感情都冇㗎…
葉子朗只係口講話唔中意洛天恩，但係卻不經意咁透露咗佢嘅心聲出嚟
佢…兩個都想要…
「如果我叫你宜家就同洛天恩分手，你肯唔肯？」我半認真，半開玩笑咁問
葉子朗愕一愕然，我望到佢嘅表情就知道…佢心中嘅「貪心」…


「肯？唔肯？」我再問多一次
「無端端做咩提分手？」葉子朗笑一笑
「你唔係話對佢冇感覺㗎咩？」我輕輕一笑
「嗯，但突然同人講分手，都好奇怪啫～」葉子朗話
「同佢講你對佢冇feel囉～」我話
「咁好人渣啫…」佢苦笑
我靜咗一靜，然後講：「你宜家嘅行為，唔人渣咩？」
葉子朗愕然我咁講，佢靜咗冇講嘢
「突然做咩呀…」葉子朗望住我
「冇嘢…」我搖頭
「笑下啦～唔好唔開心啦～」葉子朗掐住我臉頰，「我嘅身心都係只屬於你～」
「嗯…」我微微一笑
先唔係身心都係只屬於我…佢個心入面有洛天恩…
不過算啦…反正宜家佢心入面都有我
「好啦！溫書啦！」我起身行過去餐枱前面


「好呀～」葉子朗從後面攬住我
「快啲拎嘢出嚟溫啦！溫完問書㗎！」我笑一笑
「係嘅係嘅～知道！」葉子朗即刻喺書包度拎晒啲嘢出嚟
世上最犯賤嘅，莫過於「三角戀」
一方嘅拖泥帶水，一方嘅死纏難打，一方嘅念念不忘
或者因為咁先會令大家如此難受…
我每次都同自己講，中意葉子朗係犯賤，最犯賤，最唔應該嘅事…
但係每次都不由自主咁繼續犯賤落去，對唔住…係我犯賤…但睇嚟，我都係會繼續咁樣落去…
葉子朗的犯賤在於，他兩個都想要，想要左擁右抱…
唔想同洛天恩分手，亦唔想我離開佢
洛天恩嘅犯賤，在於佢知道葉子朗對佢嘅感覺有幾多，但佢仍然要死纏住葉子朗
情到深處，唔係犯傻，係犯賤…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link