[愛情甜故] 因為一次睇到佢打飛機,所以我地變咗做炮友: 112.S255.重遇

「我真係好掛住你...」葉子朗沉默咗一陣之後同我講
今次到我沉默啦...
「我同你冇可能㗎啦，你唔好再搵我啦，去搵你自己嘅幸福啦!」
我同佢講，好似好無情咁...
我講完呢句之後，冇再收到任何嘅回覆...
佢收咗線...
我灘番上床
「到底我做緊咩?」
我問咗自己一句
我都唔知...


......
「今日就到呢度為止啦，散會。」周樂恆從主席位企起身
我企起身嘅時候撞到張枱，勁大聲
「撞到邊到呀?」周樂恆反應超快咁伸手捉住我左臂，「小心D嘛!」
「冇事呀...冇撞到邊到...」我搖搖頭
「做咩成朝早都心不在焉咁?」周樂恆睇得出我若有所思，若有所想
「冇嘢呀~」我笑笑口咁講，「我出番去做嘢先。」
「嗯，好呀，你小心D唔好整親。」
去到食晏嘅時候，我自己一個人去咗食飯
「Hi~」聽到一把熟悉嘅聲音


我一擰過去，愣住了
「芷諾。」佢對住我微微一笑
「子朗...」我喺沉默過後，吐出呢兩個字
「你一個人呀?」佢問我
「嗯...」我點點頭
點解...突然間我同佢之間有種生疏嘅感覺?
好似...有道牆喺我同佢中間咁...
點解...?
心中有份難以言喻嘅感覺...係失落?難受?定係其他?
我唔知道...


「你喺呢頭返工呀?」佢好似要搵嘢問我做開頭咁
「明顯係啦!」我笑咗出嚟
「一齊食飯呀~」佢話
「好呀。」我笑一笑
到底有幾耐?有幾耐冇一齊食過飯?
同佢一齊食飯，坐喺我對面嘅佢，感覺上有D憔悴
「宜家番工好辛苦呀?成個人好似殘晒咁嘅?」我問佢，其實有D想關心下佢
「都係咁啦~番下part-time咁囉!」佢講完呢句之後，突然好似唔知避咩咁耷低咗頭
「做咩呀?」我細細聲問佢
「噓...」
我擰去後面望
嗰個人咪洛天恩?
「你避緊洛天恩呀?」我問佢
「明顯啦!」佢話
我唔知道點解葉子朗要避開佢


「佢走咗未呀?」佢細細聲咁問我
我回頭再望一望，已經唔見咗洛天恩
「應該走咗啦。」我同佢講
「呼...」佢好似即刻鬆咗一口氣咁
「做咩要避開佢?」我問
「因為佢好煩囉!」佢即刻一臉苦惱，「比佢見到我，佢又纏住我。」
「過咗咁多年，佢都咁中意你...」我低頭苦笑
「可惜，我並唔中意佢...」葉子朗望住我
我大概知道，佢望住我嘅呢個無奈，又帶點惋惜嘅眼神，意味住D乜嘢
「嗯...」我比咗一個好簡單嘅答案佢
食完飯之後，我地就分別了
「我行呢邊呀~」我指住右邊一幢又一幢嘅商業大廈
「哦...咁好啦~我行另一邊呀...」佢微微一笑
「好啦，拜拜。」我同佢揮手講再見，然後轉身走
行咗兩步，就聽到佢叫我


「方芷諾!」
我停咗落嚟，然後回頭望
就好似偶像劇嘅男女主角一樣，喺臨別之時，再回頭望一眼對方
「做咩呀?」我微微笑
「我地會再見個可?」佢問我
「嗯，應該會。畢竟香港咁細。」我笑起嚟
我地點點頭，然後我走我嘅路，佢行佢嘅路
我行到番去office，喺大堂等緊升降機
「點解你會同子朗一齊?」突然有人喺我身後講嘢
我嚇咗一嚇，即刻回頭望...
係洛天恩...
「撞到。」我話
「你老公真係慘，同咗一個唔愛佢嘅女人結婚。」洛天恩趁只有我同佢嘅時候就講說話比我聽
但無可否認嘅係，呢個係事實...
「連BB都有埋，小心D啦~」佢輕輕一笑


我總覺得佢不懷好意...
或者係我錯覺啦...
佢講嘅係事實，周樂恆的確同咗一個唔愛佢嘅人結婚，呢段婚姻真係可以維持落去咩?又可以維持幾耐?
呢個冇答案嘅問題...睇嚟，只可以順其自然...
時間會控制一切，上天主宰住我嘅人生同命運...
上天會為我作最好嘅選擇...

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link