[愛情甜故] 因為一次睇到佢打飛機,所以我地變咗做炮友: 111.S254.熟悉又陌生的聲音

我沖完涼番到入房，就見到部手機個mon著咗
我拎起一睇，原來有未接來電...
「葉子朗...」我望住個mon顯示住嘅人名
我望咗個mon兩秒，個mon又轉咗個版面，葉子朗打比我...
我猶疑咗一下，但我都係聽咗呢個電話
「喂?」
「係咪芷諾呀?」
「係呀...咩事呀?」
「聽講你同周樂恆結咗婚...」
「嗯，係呀。」


我呢句說話剛著陸，對面就冇人再出過聲
「喂?」我喂咗一聲，「子朗?」
我拎開部電話望咗一望，仲係通話中，但冇人講嘢
「葉子朗?」我再叫佢
「嘻...遲D出嚟食餐飯敍下舊呀~」
「嗯...好呀...」
收咗線之後，佢啱啱嘅笑聲喺我腦海中徘徊...
一個...無奈但被逼接受嘅事實嘅笑聲...
「你講緊電話呀?我出番去先。」周樂恆咁啱行咗入嚟
「喔唔係呀~講完啦~」我回頭望佢笑一笑


我爬咗上床，攬住張被
葉子朗...呢個熟悉又陌生嘅名...
曾經係我愛嘅人，亦係傷得我最深嘅人
聽佢電話嗰一刻，聽到喺電話裏頭嘅佢講嘢嘅嗰一刻...
我個腦好似...空白咗咁...
收線嘅一刻，我心中好似突然被烙下了一個問題:
佢...葉子朗佢...仲喺我心中?
嘻...點會呢...冇可能...我早就放低咗呢個男人
我行去梳妝枱前，拉開抽屜，嗰個盒...我伸手拎起佢
呢個盒喺呢個故事入面出現嘅次數都有咁上下


呢個裝住我同葉子朗嘅故事嘅盒，裝住咗一段不可告人嘅秘密...
我唔想再打開呢一個盒...呢個盒，要連同我放喺心底嘅回憶一同埋葬...
呢一刻，電話響起嚟...
葉子朗...
我行到去床邊拎起放喺床頭櫃嘅電話
我隻手已經㩒咗落去「拒絕接聽」嗰個紅色制嗰度
「方芷諾，只要宜家將個制拉去左邊就得㗎啦!」我心中有把聲音同我講
電話一直喺度響...
我猶疑...猶疑要接定係唔接...
最終，我將個制拉咗去...右邊...
「喂...」
「芷諾...」已經好耐冇聽到呢把沙啞嘅聲音
電話裏頭嘅佢...
大概係流着淚，但都盡力強忍着淚
用手抹緊眼淚，盡量將自己流淚嘅跡象降到最低，令人地唔知佢喊緊


問我點解知?或者係因為以前成日都聽到佢用呢把聲打比我掛...
好熟悉...但同時係我最陌生嘅聲音...

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link