[愛情甜故] 因為一次睇到佢打飛機,所以我地變咗做炮友: 99.S242.獨個兒，冷靜

我只係叫咗佢個名一下，佢咩都冇講，就拉我入佢擁中
「好啦好啦...唔好講啦...我明白㗎...」佢攬住我，然後用手輕撫我嘅頭髮
攬咗一陣，佢就放咗手
「好啦，我陪你番上去啦。」周樂恆微微一笑
佢陪我上到去，我呀媽開門
「阿恆，有冇事呀?」我呀媽問，我回頭望住佢
「阿姨好擔心你，所以打比我。」周樂恆笑一笑
我呀媽拉咗我同佢入屋
「阿恆坐呀，阿姨酙杯水比你。」我呀媽話
佢酙咗杯水比佢，放咗喺茶几上面


「阿恆咁你地傾下啦...」媽媽一臉擔心
「好，阿姨你唔洗擔心。」周樂恆輕力拍一拍媽媽嘅手臂
媽媽點點頭行番入房
「唔洗擔心，我會喺你身邊。」周樂恆摸摸我個頭，佢企起身行咗去廚房，嗰邊拎咗袋冰出嚟，「你睇下你塊面，仲係紅紅腫腫咁。」
佢將袋冰敷喺我個臉頰上面
「比洛天恩打呀?」佢問咗一句，我愣住了，「做咩擺個咁嘅表情出嚟呀?我知唔出奇。」
「嗯...都係嘅...」我微微一笑，真係好微嗰種微笑
「有咩心事呀?可以講我知啵~」佢微微一笑，佢嘅笑容總係令我好放心，「我知你想喊出嚟，你忍咗好耐㗎啦...唔好再忍落去啦好唔好?」
面對住周樂恆，我總係冇辦法收起我嘅心事，喺佢面前，就好似赤裸咁，比佢一眼睇穿，亦唯獨喺佢面前，可以盡情咁喊
佢一見我喊，即刻用手輕輕將我頭往佢嗰邊㩒，好讓我依靠喺佢博頭上面


「係咪我唔夠好呀?所以佢要咁對我...」我拎咗張紙巾
「唔係，你已經好好㗎啦!唔洗為咗遷就別人而去改變自己㗎!」佢安慰道，「葉子朗走寶咋!你咁好，佢都咁對你，係佢走寶咋!唔係你嘅錯。」
「我想聽真心話。」我坐好同佢對望
「我講嘅都係真心說話，唔係為咗安慰你，而係我真係覺得係咁。」佢認真咁望住我，「你唔開心，會令愛你嘅人擔心，先唔計我呀，auntie同uncle會好擔心，班同事見到你咁，佢地又會擔心，係咪?」
周樂恆對我好好，一直以嚟都係，對我好真，佢從來都唔會厄我
「嗯...」我點點頭，然後笑咗一笑，「我好快就會冇事㗎啦!」
「咁就好啦!」佢笑咗一笑，然後望一望錶，「好啦!夜啦!你要休息㗎啦!唔好諗咁多啦!」
「嗯...」我點頭
「我走啦!」佢話，「有咩就call我啦!」
我微笑點點頭


喺佢走咗之後，我行番入房，我灘喺床度，深呼吸，等自己冷靜落嚟
但手機響過不停，一望過去，就見到係葉子朗打嚟
我直接lock screen，全部都唔聽，唔想聽...
「咚咚~」聲音傳嚟嘅同時，我個screen著咗
死人葉子朗:芷諾，聽我電話啦!
死人葉子朗:聽我電話啦!
死人葉子朗:我地係咪好應該傾下?
死人葉子朗:傾完再決定都唔遲呀!
死人葉子朗:決定權喺你手上，傾下?
死人葉子朗:我真係唔想我地就咁就完
佢不停咁send message過嚟，我部機就不停咚咚咚咚咚
講到好似我好想就咁完咁樣，但佢搵番洛天恩係事實，仲要比我親眼見到
你話我見唔到，我都會可能聽下佢講，但問題係我宜家親眼，兩雙眼，左眼同右眼都望到喎!我仲點聽佢講?
仲聽佢狡辯!?
又要聽佢講嗰D咩「我真係好愛你㗎!」，「我唔可以冇咗你㗎!」，「你知道我中意你㗎!?」呢D我聽過100次以上嘅嘢


葉子朗呀葉子朗~比多次機會你，咪即係比自己再心碎多次?我方芷諾蠢唔晒㗎~
比機會人地Hurt我，我先唔會咁樣
「咚咚~」手機又響啦...
死人葉子朗:我對你係點，你知㗎
死人葉子朗:我明你宜家唔想覆我
死人葉子朗:亦唔會想見我
死人葉子朗:但我只想話你知，我真係好中意你
唉...又係呢D虛無縹緲嘅說話
中意一個人，唔係要話比佢知你有幾中意佢，幾愛佢，而係要用實際行動嚟表達比佢知，等佢察覺到你有幾中意佢
宜家先同我講，咁同話我知聽日係世界末日有咩分別呢?
我想要嘅，係實際行動，而唔係空口說白話...

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link