[愛情甜故] 因為一次睇到佢打飛機,所以我地變咗做炮友: 97.S240.推卸責任

我停咗一秒，然後再邁步行
我想直接略過佢身邊走
「喂!方芷諾!」我聽到佢把聲我都覺得好煩
我停低咗
「想點呀洛天恩?」我望一望手錶，「你揀呢個時間嚟搵我敍舊呀?」
「你真係好勁啦方芷諾!你同子朗分手咪分手囉!做咩要搞到我呀!」
果然洛天恩一嚟就真係煩到一個點，就知佢係為咗葉子朗而嚟
「你都識講啦，我同佢分咗手㗎啦!佢做D咩關我咩事?係你兩個嘅問題。」我橋埋雙手
「你同佢分手，搞到佢唔要我呀!」洛天恩又開始推卸責任
「又關我事呀?」我反問佢，然後冷冷一笑，「你都幾好嘢㗎喎!佢唔要你係佢嘅決定，又唔係我唔要你，咁關我咩事呢?你都好勁喎，咁都推到落我到。」


「你!你好嘢!你以前已經耍手段，搶咗子朗，宜家你同佢分手啦，就要佢唔要我。」佢又開始喺度亂up，我真係唔知葉子朗唔要佢同我有咩關係
「我講明先，我冇耍手段，係佢自己中意咗我，嫌你唔識體諒佢，成日發佢脾氣，佢覺得我好過你，所以中意我，就唔係我耍手段，而係你唔識留住佢。」我聳聳肩
「你真係打橫嚟講㗎喎!」洛天恩用一個不可理喻嘅眼神望我，明明佢先係不可理喻嗰個
「你先係打橫嚟講嗰個呀!」我真係想忍佢㗎，但睇嚟我就忍唔到佢，「你想要番佢，我咪比你囉!見你咁慘，比你又點話呀!呀...sorry，我有比你，係佢唔要你。」
「方芷諾!當年如果唔係你，我會比子朗飛?仲要當住全級同學嘅面呀!佢飛咗我，都係因為你咋!」佢拎番當年嗰件事出嚟講，「我以為只要收起咗嗰封信，子朗就唔會繼續中意你，會對你死心!點知佢都係唔中意我!仲係要番你身邊!」
「你終於親口認係你收埋我封信啦?你開我locker，然後拎走我封信，就係為咗唔比我知道葉子朗嘅心意，你都算賤格啦!」我由心底嬲出嚟
佢行開咗兩步，開始訴說當年
「我好中意葉子朗，什至比你更早就中意佢，我同你一樣，每一日都喺球場睇佢打波，我知你同咗佢表白，佢拒絕咗你，我知道...我知道我有機會啦!
我埋佢身，想要靠近佢一D，點知我發現佢後悔呀!佢後悔傷害咗你嘅心，拒絕咗你嘅表白，仲寫咗封信比你，我好妒忌，點解呀!明明我同你一樣喺球場睇佢打波，但點解呀?佢偏偏對你有好感!
我唔服!有一日放學我見佢將封信放咗喺你locker，我趁佢行咗出去，偷偷開你locker拎走咗封信，我知道只要你唔知道呢封信嘅存在...子朗就係我㗎啦...你冇起疑心，佢亦唔知，於是我就同佢講，方芷諾唔會中意你㗎，你咁對佢，佢唔會再中意你!


佢真係聽咗我講，同咗我一齊，但佢根本就唔中意我!我做盡所有事，想得到佢，但偏偏佢眼中只有你!我同佢因為你嘅事而嘈過好多次，但佢下下都維護住你!我喺所有人面前鬧你，但佢都幫住你，點解呀?我對佢咁好，但我偏偏得唔到佢個心...佢喺所有人面前維護你，我摑咗你一巴，佢就吆喝我，同我講分手...
我仲要比佢發現咗我收起咗封信，佢要我拎番出嚟，如果唔係就同我分手，我好驚，我按佢意思做咗，但最後佢都係唔要我!
點解係你呀方芷諾!點解係你呀!
你去咗英國，我遇番佢，嗰晚我同佢飲醉咗，我同佢去咗開房，你番嚟嗰一日，我本來同佢喺酒店開心緊，但佢知道你嗰日番嚟，佢即刻諗都冇諗就走咗去機場接你!
我心諗唔緊要㗎...只要子朗仲喺我身邊就夠，但比你發現咗我地嘅關係，你同佢講分手，我以為我同佢可以再次喺番埋一齊，唔洗再偷偷摸摸啦...但係佢...佢同我講，最衰就係我，因為我，佢最愛嘅人要同佢分手...所以，佢都要同我分手...
方芷諾...你破壞我同子朗!我同佢冇得再一齊!點解你要咁狠心呀!」
洛天恩擰過嚟望住我，對住我一邊喊一邊鬧
「葉子朗唔要你，又唔係我要求，我退出呢個遊戲啦!我唔挽啦!佢要唔要你，同我一D關係都冇㗎!」我聳聳肩
佢握緊拳頭，然後用力摑咗我一巴
我真係想講粗口...但我冇...我深呼吸，將道氣吞落肚


「點呀?條氣順未呀?我真係冇心情同時間陪你挽落去，你咁中意葉子朗，你就自己去追番佢，唔好再嚟煩我!」我沉着氣，壓抑住我對佢嘅憤怒
我講完之後，就頭也不回，走入我屋企嘅大堂
塊面仲有D赤赤痛，番去敷一敷冰先...
呢個三角關係，我揀退出啦...佢地以後係點，都唔關我事，我顧好自己就夠啦!

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link