[愛情甜故] 因為一次睇到佢打飛機,所以我地變咗做炮友: 78.S221.不再猶疑

有時,兩個人之間會變成點真係唔會有人知
人會改變,總處於改變之中,每一日都變緊
葉子朗喺食糖水嘅時候,同我講過,佢以前可以為咗我而同洛天恩分手
一個人嘅改變,有時都係源於另一個影響自己更深嘅人
中學時代嘅我地,四角關係...
係多可悲嘅事?
中意但唔可以講,在乎但唔可以做
令到四個人都活受罪...
呢一刻,處於呢一刻嘅我...揀咗葉子朗
我對葉子朗嘅感情無可否認,我同佢一齊,心入面會高興,會興奮


嘻...大概就係中意一個人嘅感覺了~
就好似大麻一樣令人沉淪,染上咗毒癮...
不過我享受同佢一齊嘅時間~
一提起佢就收到佢whatsapp
死人葉子朗:啱啱番到屋企啦!
我:好的~
死人葉子朗:今晚早D休息啦!知道嗎?
我:收到!
我攬住部手機,曲住身咁瞓喺床度
隔住個mon都覺得甜!


心甜呀~
閃到你地?唔好意思囉~
咦...等等...電話響...
「喂,Alvin?咩事呀?」
「冇呀,提你聽日記得番工。」佢笑住咁講
「你驚我唔識番工呀?」我無奈咁笑咗一笑
「點會呀~你對呢D嘢特別上心㗎~」
「比你發現咗添~」
「聽日我會喺樓下等你㗎啦~早D休息啦~」
「遵命!」我笑住咁講,然後就收咗線


周樂恆其實都唔錯嘅,但我已經有葉子朗啦~
葉子朗喺我心中先係最好最型最靚仔嘅男人
嘻嘻...只要一直同佢一齊就夠了~
葉子朗...呀~我終於都可以光明正大,名正言順咁同佢一齊
我灘喺床上面,蓋住張被,開住冷氣
我果然係好懶...我又開始...眼瞓...
「嘟嘟嘟嘟...嘟嘟嘟嘟...」
我伸手拍停個鬧鐘,起身番工!
我換完衫,就落到樓下
「早~」我打開車門
「早晨~」周樂恆望向我
我一坐上車,扣好安全帶,就收到葉子朗電話
「點呀~」我甜甜地笑起嚟
「冇呀~番工加油啦~」佢幫我打氣
「知啦!」我笑住咁講


收咗線之後,周樂恆望住我
「邊個呀?笑得咁甜嘅?」
「葉子朗~」我笑住咁講
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link