[愛情甜故] 因為一次睇到佢打飛機,所以我地變咗做炮友: 77.S220.真誠告白

我睜開眼
咦...夜晚啦?原來我瞓着咗
呢個時候手機震咗一下
死人葉子朗:喂!宜家落嚟呀!
我:落嚟去邊呀?
死人葉子朗:總之你落咗嚟啦!
我:ok~
我換咗件衫,着咗件一字領嘅連身裙落去
我一落到去,就見到葉子朗企咗喺度
「做咩呀?今日先見完...」我側側頭


「我帶你去一個地方呀!」佢一講完就拉住我跑
「吓!?宜家?」我慌亂咁講
「係呀!」
我地仲要搭車去,但我都係未知要去邊...
做咩帶我嚟中環??????
「我地去坐摩天輪呀!」佢拉住我去
唔知今晚做咩特別少人,所以可以兩個人一個車廂
「做咩呀?突然嚟中環就係為咗坐摩天輪?」我坐喺摩天輪嘅櫈上
「係呀~」佢笑咗一笑
我望住出面嘅夜景一直喺度郁,當摩天輪上到最高嘅時候停咗喺度


「嘩~呢度可以望到對面海㗎!」我雙手㩒住玻璃,望住出面維港嘅景色
「係呢~」坐我對面嘅葉子朗笑住咁望出去
摩天輪嘅車廂停喺最高點,呢度望出去係一整個維港景色
夜空有大廈嘅燈光點綴,一D都唔沉悶
「方芷諾...」葉子朗輕喚我嘅名字
「做咩呀?」我望向佢
「方芷諾,7年前我拒絕咗你嘅表白,交低一封信,但你冇睇到；6年前我地因緣際會,再次接觸,拉近距離；5年前我地畢業,我冇講出心聲,你亦冇對我坦言；4年後嘅我同你再次相會,我對你嘅情你亦都好清楚,去到今日,我唔想再拖啦...
我唔係一個溫柔嘅人,但為你做盡溫柔事；我唔係一個有耐性嘅人,但就等咗你4年。我知道我錯過咗一次,所以我唔想再錯過你啦!我中意你,真係真係好中意你!」葉子朗認真咁望住我
彷彿喺佢嘅雙眸之中只有我一樣
「我唔會再推開你,所以留喺我身邊啦!我曾經以為我可以放低你,忘記你,但4年啦!我根本就冇辦法去忘記你,每一日都會諗起你,都會後悔點解當日唔同你講清楚我中意你。但我宜家諗清楚啦!我知道我中意你,我唔可以冇咗你,我會對你好㗎!一定會好好對你...我差你一個真誠嘅告白,所以宜家就要同你講!」


「突然做咩呀?」我低頭笑咗一笑
「今日嘅表白唔夠誠懇,所以宜家要再表白多次。」葉子朗牽住我雙手
「咁我係咪要再接受你一次?」我笑住咁問
「最好啦~」佢傻傻咁笑起嚟
「好啦...」我嘆咗一口氣,「好啦!見你咁有誠意,唯有接受你啦~」
佢冇講任何嘢,只係緊緊攬實我,好似驚我會走咗去咁
「要透唔到氣啦...」我輕力拍佢,佢先鬆開手
「我地呀...要一直一齊呀!」佢話
「嗯!不過...都要睇你表現啦~」我伸手摸摸佢嘅頭
「我一定會表現得好囉...」佢一臉不忿
「係嘅係嘅~」我點點頭
坐完摩天輪,佢話要食糖水
「想食糖水?去囉~」我笑咗笑
「好呀~」佢用力咁點頭
喺呢一刻,我真係好希望...佢會係陪我走到最後嗰一個人...


就算佢唔告白,我一早都接受咗佢
但呢一刻真係只希望我同佢可以一直喺埋一齊...
至少,我係咁諗...

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link