[愛情甜故] 因為一次睇到佢打飛機,所以我地變咗做炮友: 37.同病相憐(上)

我沖完涼就番咗房
咦...葉子朗打電話比我
我cut咗佢線...宜家唔想聽電話...
我cut咗佢線一秒都唔夠,佢又再打嚟
我再cut佢線....佢又再打嚟
算啦...接啦...
「喂,做乜?」
「你瞓未呀?」
「未呀...啱啱先沖完涼。」我行到床邊坐低,然後灘落床,「話說做咩突然打比我?」
啱啱一諗起你多一陣就打嚟...


「想聽下你把聲。」
「做咩呀?你又想做呀?你以為你咁講就得㗎啦咩?」我輕輕一笑
「咩啫...宜家我想打比你傾下心事唔得嘅...」聽到佢咁講,都可以想象到宜家嘅佢肯定係嘟起個嘴,一臉不滿意咁樣
「噗...」我一時就忍唔住就笑咗出嚟
「笑乜呀…」佢問咗一句
「冇咩呀…」我臉上仍然掛住笑容
「不如你今晚過嚟呀...」
「吓...宜家成10點幾啦!仲過嚟?雖然聽日唔洗番學啫...」
「過嚟啦!」
「唔...」我諗咗陣,反正我呀爸呀媽都唔理我,成日都開OT,只要我讀書成績跟得上就夠,「咁好啦...」


「呀!愛死你啦!」佢激動咁大叫
我執埋D嘢,寫低咗張memo話去朋友屋企就出咗去
「叮噹叮噹...」
門鐘㩒響咗3秒都冇,我就聽到有人跑嚟開門
「晚上好!」葉子朗露出笑容
「晚上好...」我已經好熟悉佢屋企,我直接行入去就坐喺梳化度,將個書包放咗喺餐枱嗰度,同佢個書包一齊放
「好彩我屋企有兩套你嘅衫啫~」葉子朗閂埋門,行到我隔離坐低
「嗯...我對你屋企每個角落都好熟悉啦...」我拎起電視遙控,㩒咗去翡翠台...
「咁唔好咩?」佢i咗落我博頭度
「唔知呀...夜麻麻要人過嚟都有㗎...我唔想成日都見住你...」我一直望住電視


「點解你可以成日咁輕易就出到嚟?」佢突然間咁問,我停頓咗一下
「因為...我呀爸呀媽日日都開OT,簡直係工作狂...只要我成績好,佢地就唔會出聲。」我心中突然多咗份寂寞嘅感覺,「你呢?你呀爸呀媽成日都唔喺度嘅?」
「其實佢地唔係住呢度...佢地住樓上30樓,佢地將5樓呢個單位比咗我一個人住...其實就算佢地住喺度都冇咁大分別,都係成日番工又番工...」i喺我博頭嘅佢嘅表情,就好似表達咗佢都有寂寞嘅感覺咁
「咁我地咪同病相憐?」我苦笑
「嗯...」佢坐咗起身,然後望向我
同病相憐…嗎?