[愛情甜故] 因為一次睇到佢打飛機,所以我地變咗做炮友: 36.回想暗戀那事兒(下)

做咩突然要咩Goodbye Kiss...
我嗰下真心呆咗一呆,但我一呆佢就錫咗落嚟
什麼啦!!!
心跳加速什麼啦!
我嘅手放喺左邊嘅胸口前,都可以感受到心跳嘅快,內心嘅澎湃
我先唔係中意佢!我一定係痴咗線啦!
我閉氣,然後將個頭浸落水中
醒下啦!方芷諾!
5秒之後,我出番水
「你一定係痴咗線啦!」我雙手拍拍自己嘅臉頰


「你要記住佢當初係點對你!」我同自己講
佢唔係對我差,而係好差!
嗰陣嘅我仲暗戀緊呢個「壞男孩」...
但某一日,佢突然知道咗先中意佢
放學嗰陣我咁啱要去買D嘢,所以就喺巴士站等車
佢突然行到我隔離,講咗句
「我知你中意我。」
我嗰下呆咗一下,然後望向佢
「你點解會...」「我只想講,你冇機會。」
呢句話好狠,連說話嘅機會都唔比我


「唔理係今日嘅呢一刻,聽日,後日,定係以後嘅日子都冇呢個機會,我對你...冇興趣。」
係要幾狠心,要幾討厭一個人先講得出口嘅說話?
唔比機會你出聲,亦唔會比你有一絲嘅希望,直接連你嗰一點可憐嘅自尊都完全粉碎
玻璃心?佢幫你變佢地做粉末...
同宜家好大差別...宜家仲會見我整親,然後咩我番屋企
你應該完全估唔到佢地係同一個人嚟
可能你會話既然佢咁對你,咁點解仲要同佢做?
唔...我都冇諗過呢個問題...
或者係想填補心靈上嘅空虛感,想要有一個人做我嘅依靠,想搵一個渠道比我發洩,盡情嘅發洩
或者係因為想要從呢個小小嘅快感激情之中,得到一D嘢掛...


我真係答唔到你,因為我都唔知道,我冇諗過呢個問題
「方芷諾呀方芷諾...你唔可以喺呢個男仔面前屈服...唔可以比佢再次征服你嘅心...」我雙手抱膝
咦...好似浸咗好耐添...