[愛情甜故] 因為一次睇到佢打飛機,所以我地變咗做炮友: 33.到底係佢Boyfriendable定係我錯覺?(中)

「原來成9點幾㗎啦?」我望望手錶
「我送你番屋企啦!」佢一臉積極
「大家住得咁近,送唔送都一樣啫…」我細聲咁講
「行啦!」
嗰個咩嚟?有一點光從遠處過緊嚟
單車!
嗰個人踩得好快,佢見到我嗰陣佢煞唔切車,我一時比唔到反應,定咗喺原地
「小心!」我聽到葉子朗講
我都知,但我呢下真係反應唔到
喺架單車快要撞到我嗰陣,有道力將我向右拉


架單車好急咁停咗落嚟
「對唔住呀!小姐有冇事呀?真係唔好意思呀!」嗰個人好慌張咁道歉
「喂你小心D呀嘛!你踩得咁快好易撞到人!」葉子朗嘅聲音顯得佢有D嬲嬲地
但點解佢講嘢嘅時候,我會聽到有小小回音?
我抬頭望見到葉子朗,原來啱啱佢將我拉咗入佢懷裏...
「真係唔好意思呀!」我聽到嗰個人不停咁say sorry,「撞到你女朋友真係對唔住!」
女朋...我唔係佢女朋友呀!
先生你搞錯咗啦!
「唔緊要啦!但唔好再踩咁快!」葉子朗一直攬實我
嗰個人踩單車走,葉子朗先鬆手


「你有冇事呀?」佢關心咁問道
「呃...冇...冇呀...」我擰頭,「行啦!」
我一踏步向前行,就差D跌親,腳踝有D痛
「你點呀?」佢反應超快,我一跌嗰個佢就即刻伸手扶住我
「冇事呀...」「冇你個頭!係咪扭到啦?」
佢即刻蹲低,睇下我有冇整親
「你睇你個腳踝紅晒啦!」佢個表情又擔心又緊張咁
「得啦!冇事啦!」我話
佢轉咗身,背住我,單膝跪咗喺度
「做咩?」「上嚟。我咩你番去。」


「吓...唔洗啦!」我即刻灑手擰頭
「我叫你上嚟。」
佢呢種命令式嘅口吻,好似有種無形嘅力量令我順從於佢