[愛情甜故] 因為一次睇到佢打飛機,所以我地變咗做炮友: 32.到底係佢Boyfriendable定係我錯覺?(上)

我地行入呢間拉麵店
呢間鋪比我嘅感覺,好似一間懷舊店咁
木地板,天花上面嘅三葉吊扇,轉嗰陣仲有D吱吱聲,有D剝落嘅牆身,坐嘅只係一張方型枱,圓櫈
我地行咗入去入面一個牆角嘅位
「你坐入面啦!」葉子朗推咗我去埋邊坐
今日做咩又突然咁gentleman
我坐咗入去,佢將個餐牌遞比我
「你睇先啦!」
「喔...」我接過餐牌
打開餐牌,我竟然望到某一個拉麵圖案發光呀!


我望過去,係叉燒拉麵
神聖嘅叉燒拉麵!我就揀你啦!
「到你啦!」我將個餐牌推到佢嘅面前
「落單呀唔該!」佢舉手叫個呀姨過嚟,「要兩個叉燒拉麵,飲茶就得啦,唔該。」
佢啱啱係咪講唔該?定係我聽錯
喺我眼中嘅葉子朗成績差,壞學生,上堂仲要日日瞓,月月瞓...
但佢竟然講唔該啦!我要對佢改觀啦...
「做乜用個奇怪嘅眼神望我...」葉子朗留意到我望住佢
「冇嘢。」我即刻擰頭
「古古怪怪...」佢笑咗一笑,「中意我咪講囉~我又唔介意嘅~最多我甩咗洛天恩同你一齊㗎啫~」


「你真係...好自戀...我唔係中意你囉!如果你甩咗洛天恩話要同我一齊,你就係賤男人渣啦…」我瞬間無奈
「賤男咪賤男囉~人渣咪人渣囉~有咩所謂啫?」佢一副「I don't care」嘅樣,「同中意嘅人一齊先會幸福㗎嘛!」
「嘩...我係咪要拍手呀...」我敷衍咁拍咗幾下手,「好好笑添呀…」
「我唔係講笑㗎...」佢伸手捉住我隻手
「一定啦...」
「講下咋!」佢鬆開咗手
「好笑呀!」我笑咗一下,然後順勢白佢一眼
「咪咁啦!」佢笑住咁講
嘩!嘢食到啦!
閃亮閃亮嘅叉燒拉麵!!!


「我唔客氣啦!」我拎住木筷子,雙手合十
「你睇你呀!有得食就一副幸福樣!」佢露出咗無奈...又唔係無奈嘅笑容...我都唔識形容
「食得是福呀!」我夾起拉麵放入口,「好好食呀!」
好快咁我就清晒成碗拉麵,差D連個湯都想飲埋
「你睇你呀!人地一睇就知你係為食貓啦!連嘴角都有!」葉子朗笑我
「邊度呀?」我用手指去抹
「唉...」葉子朗拎起紙巾幫我抹,「污糟貓…」
我地食完就賣單走,我望下錶,成9點幾啦!?