[愛情甜故] 因為一次睇到佢打飛機,所以我地變咗做炮友: 14.我和他(中)
死人葉子朗: 番嚟未呀?
我望咗一望,然後閂咗個screen
「邊個搵你呀?」周樂恆望咗我部機一眼
「冇呀~冇邊個呀~」我笑咗一笑
「係呢...你幾時開始...同葉子朗熟起嚟...」佢突然問我
「冇呀…」我搖搖頭,扮咩事都冇發生過一樣
「真係咩...你厄我唔到。」
我靜咗落嚟冇講嘢
「我...可係好了解你,一定係發生咗咩事,你先會再同佢接觸...」
佢講嘅嘢...總好似一語中的咁
「過咗去嘅事...就隨佢過去啦…」我微微一笑
「我只係想講...唔好再同佢有咁多接觸。」佢認真咁講
「知啦…佢有女朋友嘛。」
「其一啦…而且佢...總知...唔好成日同佢一齊。」
佢好似...知道咗D咩咁
「知啦～」我點頭
食完嘢,我地就各自走,佢就番咗屋企,我就往住葉子朗屋企行去
「我番嚟啦…」我閂埋門
葉子朗托住頭,望住大門
「捨得番嚟啦咩?」佢一臉不爽咁望住我
「咩呀…」我放低鎖匙
「同你個ex見完面啦咩?」佢仲係望住我
我除低波鞋,坐番低繼續做功課
「關你咩事~」
我唔想答佢
「真係去咗見佢呀?」佢隻手搭咗喺我個椅背上面
「關~你~咩~事~呀~」我望住佢笑咗一笑
「點解唔關我事?」佢攬住我問
「點解關你事?」我反問番佢,「放手啦…做唔到功課呀…」
「咁你答咗我先呀!你真係去咗見佢呀?」佢用一副天真嘅樣望住我
「係呀~咁又點呀~」我答佢,「放手啦…」
佢放開咗手,佢個樣好似有D愕然
葉子朗嗰個愕然嘅表情就好似講緊「你真係去咗見佢?」咁樣
其實阿恆講嘅嘢都幾啱嘅,葉子朗已經有女朋友,我唔應該同佢行得咁埋
一錯再錯,錯咗一次,唔可以繼續咁錯落去,我要諗個方法同佢斷絕呢個關係