【愛情甜故】我同條女敦倫的日子: 遺言

阿欣竟然收埋左支錄音筆係身，唔通佢將所有遺言都講晒係入面?

阿sir遞左支錄音筆俾我後就出翻去，而我亦立即打開黎聽，我真係好好奇究竟阿欣會係入面講左啲咩。
.
.
.
「阿豪，係我啊!當你聽到我呢段錄嗰陣我已經唔係度，因為我知我老母今晚一定會黎殺我，依家我只好係呢度講定遺言。」

「你一定會問我點解我知道佢會黎殺我但我都唔走，係因為我知道自己係賤命一條，我已經唔想生存落去，亦都行唔郁住。」

「你仲記唔記得我同你講過我以前係公廁，以前我玩過唔少男仔感情，到依家我成日話自己唔再做公廁，要一心一意咁愛一個人。」

「但最後點?最後竟然係我令你變到咁差，我毫無悔意之餘仲趕走埋你hurt得你咁深同埋成日誤會你，我根本就冇顧及到你感受，根本就唔知你原來咁辛苦，我真係好衰。」

「如果我今晚仲唔死的話，日後我只會拖累你，我只會俾更多更多嘅煩惱你，好快你又會變翻以前，我知道你係一個好人，而唔應該係一個暴淚嘅人，我唔想你呢世人都俾心魔操縱。」

「話雖如始，但其實我仲好愛你，知唔知我出去租屋住嗰陣，我日日都會拎翻以前啲相出黎睇，我真係好掛住你，但我唔可以，我唔可以為左一己私慾而連累你。」

「所以到你想追翻我嗰陣，我只可以拒絕你、只可以話我地唔適合，但你知道女人成日口不對心，其實我內心係好掛住你。」



「同埋經歷過今晚先知，原來你真係改變晒，唔再係以前淨係識打人罵人嘅唐富豪，而係一個好man嘅男仔，如果唔係你我可能一早唔係度，呢樣我真係要多謝你。」

「雖然你救左我，但有時我真係好內疚，明明我先至係罪魁禍首，但我仲成日怪你誤會你，仲搞到你憔悴，我真係好抵死，衰就衰我唔信任你，我真係好對你唔住。」

「如果呢個世界有輪迴轉世，我下一世一定會愛實你一個，我地要做萬世夫妻，過著平淡嘅生活，同你一齊睇日落、一齊任坐摩天輪、一齊行街街、一齊行山、一齊去玩...咁樣我就已經足夠。」

「到依家我就黎要受死，有因必有果，可能呢個就係我嘅果，亦係我嘅孽報，怪就怪我以前害人太多，就算我死左都無牽無掛。」

「話雖如始，但你記得要保重，唔好為左我諗唔開做傻事，你嘅人生仲有好長嘅路要行，我並唔係你嘅一切，你一定要記住!」



「你仲有家人、仲有朋友...仲有阿茹，你一定要好好咁陪住佢地照顧佢地，好好珍惜你周圍嘅人，冇左我係度你要學識放低，唔好唔捨得我。」

「講起阿茹，其實佢都係好女仔黎，雖然你成日睇佢好似好堅強，但其實佢內心係好脆弱，佢依然好需要安全感，你一定要好好照顧住佢、保護佢，我相信佢亦都係對你一片真心。」

「講到呢度仲有一件事，我想向阿偉同家姐講聲對唔住，以前我做公廁嗰陣竟然連阿偉都想搞埋，差啲就拆散佢地。」

「呢件事屈左係心入面兩年我都冇道過歉，成日想講但又講出口，皆因我太硬頸，阿偉、家姐，真係好對唔住!」

「呯!」

突然錄音裡傳出踼開道門嘅聲音。

「睇黎我死期到啦。」

「死妹釘，今次仲唔俾我搵到你，我今晚一定要殺撚左你，我要代表死神嘅名義去奪走你條賤命。」



「永別啦阿豪，我愛你...」

「仆你個街你對阿欣做乜野，同我死撚開。」

呢個時候我聽到我自己及時趕到現場

「你條死仔，我已經告誡過你叫你唔好黎阻住我，亦俾左條生路你，點解你仲要黎?」

「因...因為我唔可以俾你傷害阿欣，我要阻止你。」

「惺惺作態，咪撚阻住我!」

然後我就聽到自己俾伯母踢走左。



「阿豪，點解你要咁傻黎救我，我唔值得你咁做，我今晚點都會死。」

一陣騷亂過後就係伯母舉起把刀嘅時候。

「永別啦阿豪，我愛你...」

當佢講第二次嘅時候就真係俾伯母捅左落去，錄音亦到此完畢。

在場嘅彤姐、阿偉、茹姐聽完後都眼濕濕，而我心情當然亦都好難受。

「阿欣，點解你要咁樣對自己!你根本一啲錯都冇點解要攬晒上身!嗚嗚...」

「乜野孽報因果應該報係我身上，點解就唔可以俾我代你去死，點解個天要咁絕情!!嗚嗚」

聽完阿欣錄音後我就更加激動，正處於一個崩潰狀態。



「阿豪，你唔洗難過嫁，我會一直係你身邊陪住你。」

然後茹姐竟然攬住我，而我就不斷地喊。

「因為...因為我鐘意你，同你一齊我覺得好開心同安全，我會好似阿欣生前咁愛你。」

茹姐講乜野?佢話佢鐘意我?佢竟然鐘意我呢個廢人?

「嗚嗚...」

「其實你份人並唔壞，可以稱得上暖男，我傷左你會幫我治療，我仆親你會扶起我，我嘴角污糟左你會幫我抹，由gym房相遇嗰刻我就已經對你感覺，覺得你係個好男仔。」

「豪哥，你唔好咁難過啦，彤妹嘅死對我地嘅打擊的確都幾大，但佢生前講過阿茹對你一片真心，你就答應佢啦，如果係以前嘅你一定Lui飯應。」



連阿偉都勸我。

「阿豪，應承我好唔好?我會永遠陪住你。」

「俾我考慮下。」

一時之間我亦唔可以咁快做出決定，依家只係知我個心好亂，呢幾日實在發生得太多事。