【愛情甜故】我同條女敦倫的日子: 軟禁2

直至夜晚，我都冇所事事地呆係房度出唔到去。

「媽，我變返我本人啦，放我出去啦我要沖翻個凍水涼。」

我隔住道門同老母講野。

「係啊，我實信你，你以為老娘會俾你呢啲狡猾嘅惡鬼呃到?」

「我真係本人啊!我係唐富豪，隻心魔見今日都應該做唔到啲乜野所以冇再控制我，我仲要去用冰敷J黎抵制性慾，你信我啦，放我出黎先。」



「你真係阿豪?」

「係啊!」

「既然你真係變返佢，好......」

「多謝你阿媽，多得你協助我我先可以趕走隻心魔。」

我感到滿心歡喜，因為終於可以出去，我終於可以去扑野，不過出到去我第一時間一定唔會放過老母。



「難啊!」

做咩事?好難?即係都係唔俾我出?我立即由滿心歡喜跌到落低谷，瞬間乜野希望都冇晒。

「吓，點解?你唔會放我出去咩?」

「睇你聽到我話放你出黎表現得幾開心，一睇就知你係扮野啦。」

「加上阿豪呢，佢就之前已經同我講定佢係今日至到聽日之前係唔會出黎，更加唔會出黎食飯沖涼，你都係死左條心佢。」



「八婆，你都幾醒，你好野!總有一日我出到黎一定搞掂你。」

「你家陣大我啊?就睇下邊個搞掂邊個先。」

我真係好不憤，眼見窗出面就係外面嘅世界，而我卻無能為力出到去，

如今唐富豪同張倩欣分手左已經令我大幅虛弱，依家仲要連野都扑唔到，睇黎我唔可以撐得幾耐，我完成唔到任務。

既然你地要同我玩野我就同你地玩大佢，就當係我消失前做翻件有意義嘅事，咁樣都對得下住主人...哈哈哈。
.
.
.
我眼睛慢慢睜開，光線照進我的眼廉，聽到出面雀仔吱吱地叫，

我慢慢由床上起身，我打開手機望一望，驚見時間又跳左一日，同我預計嘅一樣心魔係我呢日又上左我身控制我，



雖然我瞓著嗰陣係有發過夢，我見到晒所有一切，不過每次瞓醒之後都會唔多記得個夢境係點，就好似有少少斷片，

而我再行到房門擰一擰，道門仲係鎖住，證明我琴日應該冇出去扑野，我都鬆一口氣，不過就見到道門有幾個位爛左，似係踢爛，睇黎琴日一定發生左好多事。

不過睇老母款應該都應對得幾好，發生咁多事我都出唔到去就知，睇黎我呢一招幾有效，

我再望一望床上，啲野食我一樣都未食過，乜"我"唔覺得肚餓嫁咩?當我一講起肚餓，我個肚就開始打起鼓上黎，我即刻拎起包零食黎食。

「媽，你係唔係度?」

我向外面大聲呼叫。

「係度，做乜?」



我聽到老母微弱嘅回應，佢應該係廚房。

「我可以出黎啦，好肚餓啊。」

不久我聽到門外有推櫃嘅聲音，接著再傳黎開鎖嘅聲音，然後門打開了。

我重見天日終於可以出翻間房，雖然我感覺上瞓教只瞓左一夜，不過就唔知點解好似好耐冇出過黎咁，有種解脫嘅感覺。

「隻惡鬼消滅左未?」

一開門老母就問我。

「其實佢冇咁易被消滅，所以我呢一個月都會好似琴晚...唔係，係前晚咁做。」

「隻惡鬼咁難搞不如我請位法師黎搞掂左佢算啦，唔洗煩咁耐。」



「唔好，我之前聽佢講呢個係佢任務黎，佢講得係任務我相信幕後一定有人指使佢咁做，就算快手消滅左佢幕後嗰條友都唔會輕易放過我。」

「你講到好似好嚴重喎，仲有幕後，究竟你係邊度惹返黎，搞到屋企污糟晒。」

「我點知，我平時鹹濕姐，我都冇得罪出面啲人。」

「鹹鹹濕濕咁，啲鬼見到你都乞佢憎啦，點會唔搞你。」

老母又再開始搵啲野黎串我。

「咪講笑啦，今次係我地母子最同心一次，真係難以置信。」

「我見你求我咋，你唔求我我睬你都傻，理得你去死。」



老母呢份人真係死要面，我讚下佢佢都仲要話翻我轉頭。

「咦係呢，點解你要用個咁大嘅櫃擋住道門?又點解道門有幾個位會爛左?」

「咪你囉，你知唔知琴日發生左好多野，你成個人變晒......」(下省200字)

「...件事就係咁。」

老母將成件事一五一十講晒俾我聽，原來隻心魔控制左我之後搞左咁多野，唔單止踢爛道門、想爬窗過黎，仲扮我本人想出去。

「發生咁多野，好彩你都識冷靜應對，亦冇信佢，否則後果就嚴重，你都幾醒。」

「你阿媽我緊係醒啦，係生你出黎生得你咁蠢嫁姐。」

「知啦知啦，你最醒。」

「黎緊如果你真係要繼續軟禁自己的話，記住帶多啲食物入去。」

「唔係如果，而係一定要咁做，呢一個月勞煩晒你，只要我唔去搞女人隻心魔就會越黎越虛弱，最後先可以消滅佢。」

「得啦，我唔會俾佢出黎，放心。」

自從同左老母合作之後，我先發覺佢都有好嘅一面，先發覺「家有一老母，如有一寶」。