【愛情甜故】我同條女敦倫的日子: 軟禁1

我死諗爛諗，突然靈機一閃，

我終於諗到一個辦法可以制止佢咁做，不過就要配合埋老母合作......

我入廚房拎左好多野食入間房擺住，然後去左搵老母。

「媽，我今晚瞓左之後幫我反鎖棟房門得唔得?我聽日會全日係間房入面，就算我叫生叫死都唔好俾我出黎，直至後日瞓醒先好放返我出黎。」

「做咩事要咁做，我唔會幫你咁做嫁，等陣你死左係入面點算。」



「當我求下你，求下你幫下我，咁耐以黎我都係第一次求你，洗唔洗我跪埋係度求你。」

我呢世人的確係第一次有事要求佢，如果屋企唔係得佢一個我根本唔洗求佢，更加唔會理佢。

「咁你都要講個原因出黎點解要我咁做嫁。」

唉，我又要將我同阿強講嘅一番說話重新講多次出黎。

「咁我就講啲件事俾你知好唔好?信不信由你，其實我內心有個心魔，當我瞓著左之後佢就會上我身控制我，而且會控制我一日去胡作非為......」(下省400字)



我將成件事講晒俾佢知，希望佢會信我。

「......所以嗰日冇閂熱水制嗰個真係唔係我黎。」

「咁邪嘅，佢仲要識講野，其實係咪鬼上身呀，你係咪係邊度招惹返黎?」

老母回應竟然不如阿強，我好似見到有少少希望佢會信我，始終佢份人係比較迷信。

「我都唔知佢係點出現，總之你一定要幫我反鎖道門唔好俾我出黎直至後日，仲有幫我換左張厚被俾張薄被我。」



「好啦，我幫你，最緊要係趕走隻野唔好搞到間屋污糟晒，你都要準備啲糧食係入面唔好餓死左係入面。」

好彩佢最後都肯幫我。

「知啦知啦，我都想快啲趕走隻野。」

直至我食完飯沖涼之時，我同平時一樣拎袋冰出黎敷J同埋沖凍水涼，但今晚我會將敷J時間廷長至25分鍾，

沖完涼後，我帶著寒冷嘅身驅踏出浴室，

一股寒風吹過令我不禁打左個冷震，原來係冇閂窗。

係我即將入房上床瞓教呢一刻，我企係房門口望住間房，就猶如我即將要進入一個昏迷狀態，係呢間房渡過一日一夜，

我向老母示意一個OK手勢，老母亦示意OK手勢，一切準備就緒，我深呼吸一下便步入了房間準備入睡，



然後房門就閂埋了，換言之係聽到一陣房門外面上鎖嘅聲音，我眼睛合上腦袋放空，好快就瞓著左......

陽光照耀著我，令我不自覺地醒左，望下架鐘依家10點，

然後我當然立即打俾阿強，諗起又有得去扑野我就興奮。

「喂阿強，今晚我地再去老蘭執屍。」

「豪...豪哥? 你真係又去老蘭?」

「乜野又，我地不嬲都去開嫁啦。」

「不過我呢排唔得閒啊，同你去唔到。」



「咪講笑啦，每次叫你去扑野你都唔托手爭嫁啦，你會唔得閒?最多我幫你刮條索女俾你執，你知我眼光幾好，一齊啦係咪咁先。」

「唔得啊，呢排我有單大job做唔得閒去啊，下次啦。」

「屌，既然你唔去我自己一個去，唔好話我唔益朋友。」

然後我一下cut左佢線，我猛然湧上一股燥意。

「仆你個街，又話擺我係第一位依家我約到你你竟然say no，我實信你唔得閒，既然係咁，我就自己一條友去。」

cut線後我對住空氣咒罵，

然後我走到門口擰開房門，正當我擰落去嗰下竟然擰唔郁，莫非反鎖左?

「媽，做乜鎖埋道門唔俾我出黎，幫我開翻啦。」



我大叫老母叫佢開門。

「你仲夠膽叫我開門?你根本唔係阿豪，妖孽你快啲消失，俾返個仔我。」

「你講乜野，我咪係阿豪，我仲會係邊個?」

「係阿豪同我講要唔俾你出黎，要鎖住你，你呢啲惡鬼做咁多衰野因住連胎都投唔成。」

「死八婆你係咪唔俾我出黎!我做乜野洗唔洗你理，呢啲都係我自由黎。」

仆佢個街，連老母都要同我作對，我感到十分氣憤。

「係!唔通仲放你出黎到處害人?加上你根本唔係阿豪，我點解要俾自由你。」



「好，你唔俾我出下話，我點都會搵到方法出黎。」

然後我走到窗口諗住開窗由房爬過去廳，原來掛住係牆條鎖鑰竟然唔見左。

「仆街。」

我大大力打向窗口嘅鐵框，開唔到個鐵框我就冇辦法爬出去。

「我都知你有呢招，所以我已經收左條鎖鑰。」

原來條鎖鑰俾老母收左，睇黎阿豪已經知道我上佢身嘅事，然後同老母合作鎖住房門唔俾我出去。

「俾我出去啊，八婆。」

「呯呯呯...」

之後我就開始大大力猛踼道房門，我寧願踼爛都要出去。

踼門一直維持左15分鍾，道門已經開始有少少爛。

「喂，你好停唔好再踼啦喎，再踼我就call法師過黎收拾你。」

「你即管call，佢地係收拾唔到我，呢啲係你個仔嘅孽，係佢嘅後果，除非佢死左，唔係我都唔會輕易被消滅。」

我邊踼邊講。

「好，咁你繼續踼，我推個櫃過黎擋住道門睇你仲點出黎。」

「死八婆，你唔好再玩野，放我出去。」

「我放你出黎仲得了，你死左條心佢啦。」

「死八婆你好野，我認住你。」

我知道再踼都冇用，所以停左手腳，睇黎唐富豪都幾醒，竟然識破左我嘅詭計。

如果我再唔扑野就冇得生存，我一定要生存!