愛是恆久忍耐: 第五十一章

第五十一章
「大小姐我無欲無求,只係想你好好咁做復康訓練,儘快復康。」我冇諗過Ashley要我滿足佢=11pt嘅要求竟然係想我好好做復康訓練。

「你可以要求其他,野呢一個要求對你冇好處,你唔會後悔咩?」

「唔會呀!你好返=11pt嘅話,呢一個願望我覺得就足夠,更何況我都冇講過我=11pt嘅要求一定要對自己有好處。你咁講,唔通你諗過我輸就會提出一個對自己有好處嘅要求?」

「我似咁嘅人咩?同埋賭局輸嘅人要滿足對方，係你提出而唔係我。」雖然我口講話冇,但其實我係有諗過,假如這盤棋是Ashley輸的話,可能會要求她做我女朋友,可能就係呢個諗法令到我分心,所以先會集中唔到精神去捉棋。

因為我講=14.6667px嘅唔係事實,加上當時我講個一刻,諗返起自己想要同佢表白,我就忍唔住臉紅起來，而Ashley亦察覺到我塊面紅左。





「口講話自己唔係咁既人,但你塊面出賣左你,好在盤棋係你輸左,如果唔係既話,我應該會俾你溶左都似。」Ashley講既同時,將雙手擺放於胸前。

「你都痴線,呢度太陽好曬加上天氣熱先攪到我面紅,唔好亂咁屈我。」

「Objection!法官大人,個太陽好曬呢個証供成立,但係宜家一月同埋溫度都未去到20度,天氣熱呢個原因唔成立。呢位證人既口供極度唔可信。」Ashley突然律師上身。

「你俾律師鬼上身呀?最衰呢一刻我身上面冇紅筷子。」

「頂你!在火葬場講咩鬼上身,係都你鬼上身先,同埋關身上冇紅筷子咩事?」說完之後Ashley雙手合拾,對住周圍不停拜拜。





「紅筷子,夾中指的作用是用來驅鬼,你冇聽過嗎?」

「冇聽過,亦都唔想知,同埋我都冇鬼上身。不過你咁鐘意我隻中指,我唔介意舉一舉俾你睇。」說完之後,她向我舉起了中指。

「女仔唔應該亂舉中指,你宜家著到咁斯文,有失身份。」

「唔同你玩啦!都唔早啦!你係時候返醫院啦!」說完之後佢扶我起身,然後俾返枝拐仗我。

「你等我一陣,你在正門等我,我遲少少會出來。 」





「OK!我在正門口等你。」

「老伯,再見啦!我同雅詩都過得好好,唔洗太過擔心我哋,我搵到佢呢一個好既棋友,你可以好好在天上面睇住我哋捉棋同埋保祐我哋啦!」

說完之後我向剛才老伯火化的地方深深地鞠躬。