愛是恆久忍耐: 第五十章

第五十章
講返我同Ashley捉既呢盤棋結果。

「將軍!你冇棋啦!呢次你又再輸俾我 ,唔知邊個話認真捉唔會輸俾我呢!輸左既人要點話?」Ashley行完呢一步棋之後,呢鋪棋正式玩完,贏棋既佢一面講一面拍我膊頭。

帥在車與炮的夾擊之下無路可退,我唯有乖乖咁認輸。

雖然我聲大大話每日都有同老伯捉棋,呢一次認真捉一定唔會輸,但結果我又再一次成為她的手下敗將。

「得啦!知你叻啦!輸左既人要滿足對方既要求,願賭服輸你有咩野要求講啦,我儘量滿足你。」





呢盤棋我接近所有棋都冇曬,俾佢剝光豬既情況下,都算輸得心服口服。

「你俾我諗一諗先,要求你做咩野好呢！」Ashley用食指輕輕托住副眼鏡,皺哂眉頭咁諗。

「你唔係諗好左先會提出賭局咩?」

「我冇諗過上次同你捉完棋過左咁耐時間,你捉棋都重係咁屎,所以冇諗過要求。」

「即係你就算諗住會輸,都提出呢個賭局?」到底係佢有自信,定係佢太過睇小我先咁做。





「錯啦!人要去到絕境先會迫到潛力出來,我諗住喺絕境中迫自己既潛力出來,點知唔好話絕境,連少少既挑戰性都冇。你盤棋差成咁,攪到好似我恰緊唔識捉棋既細蚊仔一樣。」

「我冇你咁好氣,你諗好再講你嘅要求,我執返好堆棋先。」

執拾好棋盤後,再將棋盤放回書包時,她還未想好我要滿足她的要求。