愛是恆久忍耐: 第四十三章

第四十三章
寒假結束左之後,老媽子幫我同學校申請暫時停學。

呢段時間,我每一日都好努力咁去做復康訓練,所以身體康復既進度比我預期好,我宜家手部既活動能力,我覺得已經復完了六成。

對比起走路的復康訓練需要物理治療師的輔助,手可以自行訓練而不而需要物理治療師,只需要借用一些道具就可以進行練習。

呢段時間,Ashley每個星期五放學後都會抽空過來醫院探我,同時間佢會在探病既時間放低一本呢個星期老師教過,佢重新整理過既手抄筆記。

我其實有問過佢,我停左學,點解重要交低筆記俾我。佢答我平時我在醫院應該悶死,所以就拎筆記俾我睇,佢覺得學習停左之後,要重新開始學習會好困難,加上在沒有考試壓力既情況,同埋在醫院零娛樂既情況下,冇咁容易分心學習會更加容易。





另外,交俾我既筆記係重新整理既關係,佢會當作複習一次呢個星期學左既野,而且佢覺得重複睇自已既筆記比較難記入腦,但手抄一次她覺得這樣子會有比較深刻的印象。加上在堂上聽書,好多時候都就咁寫落筆記就算,未必會去了解,但是整理筆記過程當中,有唔明既時候,佢會嘗試去睇返書去理解,對於理解課文內容會有幫助。

雖然唔太明白佢講既好處,但在醫院接近零娛樂既情況之下,)睇Ashley俾我既筆記的確可以令我消磨時間。(老媽子扣起左我部psp,佢話在醫院唔俾我打機,而我既娛樂其實只係得一部手提電話,加上數據有限既情況底下,等同於只能用來whatapp既電子垃圾,所以我在醫院的確係零娛樂)

我手康復既情況能力咁快有改善,除左係自已做復康訓練既原因之外,其實好大程度上,都係因為Ashley建議我唔好只睇筆記,嘗試自已都試下做手抄筆記。當抄寫得多,變相亦能夠訓練自己既手部靈活程度。

對於筆記上的內容有不明白的地方,我都會特別寫在紙上,當Ashley來到我會連同舊的筆記一併交給她,如果她不能即時解答時,她有時候會回到學校問老師得到答案後再講解一次俾我知。

呢段時間,雖然我同佢既互動都離不開溫書同學習,但呢段時間我沒有沉悶的感覺,反而重覺得幾充實。