愛是恆久忍耐: 第四十二章

第四十二章

阿康走後,我有考慮是否用whatapp與Ashley道歉,但想了想還是見面的時候道歉會比較有誠意。

如阿康所講,Ashley的確再次來探我,但是她探病的時間是對上一次探病的三日後。

這短短的三日時間,對我來說有度日如年的感覺,我不停在腦海中預演道歉的情景與對白,除道歉外我更加打算向她表白。

當Ashley在我面前出現,我先知道有啲野講出口並唔係咁容易。





「幾日冇見,最近幾好嗎?」老士到不行的開場白,我講出口都覺得白痴,我明明要道歉,但喺度講埋啲廢話做咩。

「幾好呀！之前借的圖書就快過期,所以呢幾日我花時間睇書冇過到嚟。」

「哦！原來係咁。」當我答完之後,完全沒有話題能夠接下去,雙方都沉默了一段時間。

而Ashley喺呢段時間再次準備為我切蘋果。

「係呢！」「係呢!」當蘋果剛剛切好既呢瞬間,我同佢都不約而同咁同時開口。





「咁啱既,你有野想講？不如你講先。」Ashley決定俾我講左先。

「對唔住,前幾日我講左唔應該講既說話,阿康有同我講你既野俾我知道,我一直都冇留意你受到撞車件事影響咁大,我重以為你係自責既關係先會咁唔開心。」

「你講咩呀!點解我唔明你講咩既,我有咩嘢影響到呀!同埋我都冇唔開心過,你係唔係有咩影誤會左。」Ashley否認左我所講既影響,同時亦否認自己有唔開心過。

「疑,乜原來我誤會左,不過你有其他唔開心既事,想同人傾訴,都可以同我講？」既然對方都否認,我都冇必要堅持,唯有同佢講有事記得話我知,而之前諗既表白內容,在呢一刻真的很難說出口。

「我講完要講既野,你啱啱想講咩㗎!」





「我想講,放完聖誕假,好快就要考mock,想問下你到時好返會唔會返去上堂,班同學仔應該都會掛住你。」

「呢個問題其實我有同我老媽子傾過,我預期自己未必能咁快能夠上學,就算我想去上堂,但屋企與學校距離又很遙遠,我唔想屋企人日日咁辛苦推我返學同放學,所以放完假之後佢會幫我同學校方面申請先停學,而會考方面就睇下康復情況,如果活動情況冇改善,應該很難容許我去考試,到時應該會放棄留返之後再考。雖然我都好掛住班同學,但停學我同屋企人都決定好,宜家應該以復康為優先次序。」

「都岩既考試都真係需要睇身體狀況,身體未康復既話都真係會有影響,不過停學之後再重新學習既話,會唔會驚追唔上進度？」

「呢個到時候先再諗,宜家都唔知需要幾耐時間去康復,連身體都未準備好,講學習進度其實冇咩意義。」

「咁你記得好好做復康既訓練,我再幫你諗下學習問題可以點解決。」

「我呢度其實都決定左,唔洗擔心咁多,不過你都係時候諗下自己點應付個公開試,你覺得自己有幾多成把握。」

「照返之前既小測成績,我諗唯一要擔心既係會計科,balance sheet既項目我成日都放錯邊,攪到兩邊balance唔到要從新計過。」

「你唔記得左阿sir講過,只要操熟past paper,就好自然錯多幾次會知道錯喺邊度。放心喎,宜家先1月重有大把時間操卷。」





「一睇到條題目有水蛇春咁長既項目要分類,我每次操圈就想作嘔。」

講到呢度Ashley忍唔住不停搖頭,睇見佢呢個樣我就覺得我道歉完之後既呢一段時間,眼前既Ashley比我感覺唔再好似之前咁陌生,我唔知道我頭先既道歉有冇用,但眼前既人終於俾我有返一個熟悉既感覺,她回復返到之前,一個令我十分喜歡及欣賞既爽朗女生。

其實照阿康所講,如果用繁忙去令佢唔好諗返起意外發生所帶來既恐懼,我諗讀書會比起過來探我更加好,最起碼咁做唔會影響到佢既學業成績。

到最後Ashley離開,我都冇同佢表白,因為對於從未拍拖過的我來說,表白唯一要顧慮既,就係萬一對方拒絕,我會唔會失去埋同佢做朋友既資格,萬一到時真係連朋友都做唔到的話,呢個犧牲太大令到我唔想表白。喺冇100%把握既時候,我決定將表白放埋一邊先,我真係冇辦法接受到連Ashley都要失去呢個打擊。