愛是恆久忍耐: 第三十六章

第三十六章

好艱難先捱到朝頭早,反正都訓唔著,所以我在訓唔著既呢段時間嘗試一下抬高隻手同埋抬高隻腳。

初頭試既時候,手同埋腳都冇聽我支笛抬起,所以我決定轉為嘗試比較簡單既令到手指能夠郁動,經過一段既時間,我覺得自己可以令到隻手指有轉微既動作,但係我既角度睇唔到手既位置,所以我都唔太清楚呢個到底係錯覺,定真係我可以郁到。

我老媽子來探病既時候,我有嘗試郁動手指俾佢睇,她證實我手指係有輕微地郁動,並不是我的錯覺。其後醫生提及如果持續自行訓練的話,身體的機能的確有機會慢慢好轉。不過現階段還是找不出任何理由去解釋我不能自由郁動的原因。

Ashley時不時都有過來探我,但我唔係太想佢見到我咁樣,所以我通常都想趕佢儘快離開,如果我可以郁動的話,我諗我會丢東西趕佢走。但我連抬高隻手都做唔到既情況下,我只好當佢探病既時候扮好攰或者扮訓。





其實意外之後我一直都好唔開心,宜家我不能控制大小二便等同一個廢人一樣,但我唔想佢擔心我,所以一直都扮冇野扮到好堅強。只係經常扮唔舒服,唔想同佢有太多交流,因為我好驚我同佢傾偈之後,我會忍唔住會喊出嚟,我唔想喺佢面前喊,男人老狗喊係極度樣衰既一件事嚟。

所以我就同老媽子講,當Ashley來到既話,同佢講我訓左,然後叫佢儘快離開。

通常Ashley見到我訓著左,都會陪我老媽子傾一陣偈先走。

而我會等Ashley走左之後,爭取時間不斷地嘗試郁動自己既手指同埋腳指。

除左我自己既嘗試,物理治療師亦有幫助我復原。





最後用左五日既時間,我最終可以令到自己的手指及手腕能夠郁動。物理治療師說如果按照呢一個進度,我下一步就是開始訓練其他動作。

而我受傷之後,老媽子有預期我未能這麼快能夠上學,所以決定幫我呢個假期完左之後,就去同學校方面申請暫時停學,等我好返先再安排重新返學。