愛是恆久忍耐: 第二十三章

第二十三章
再次收到Ashley message已經係三日之後, 佢呢幾日都冇返過學校上堂。
「好多謝你關心我,但我宜家唔喺香港呀,我返左大陸好快會返嚟㗎喇!
btw我收到嘅message感覺好似唔係你寫。」

「你返大陸做乜嘢呀？」我決定唔解釋其實係阿康幫我send段message出去

「祕密,我唔話你知。」

「咁你大約幾時會返嚟呀？」





「應該下星期初就會返到嚟香港。」

「再唔快d返嚟,你之前買落嗰啲零食我就會食曬佢。」

「啲零食又唔係貴嘢,你咪食曬佢囉,反正我擺咗咁耐 當做存倉費囉。」

「我講下笑咋,唔好當真啦。」

「冇得上網,我唔同你傾喇。拜拜!」





「 拜拜。」

我真係好好奇佢返大陸究竟做咩嘢,但係呢個問題最好都係等佢返嚟香港先問啦。