愛是恆久忍耐: 第十七章

第十七章
上到最頂樓,我終於鬆咗一啖氣。漫長嘅電梯地獄終於完結。

講真嗰一句,我其實對於女裝係冇研究,搵我嚟揀衫,其實都冇乜咩意見可以俾得到。 再加佢要揀嘅衫,其實係呢個名店林立既商場,我覺得好難搵得到岩佢心水既衫。

所以最後我同佢基本上行得最耐嘅商舖,係變左無印良品。 易買嘅嘢亦由衫,變左做文具零食。

「 我行到好攰喇!你仲有冇咩其他嘢想睇呀？」Ashley 基本上將一袋二袋都交由我拎,但佢口中講攰,真係幾唔make sense。

「 我好少行商場,但埋我冇乜嘢想睇啦!」 我覺得最重要,其實我真係好想離開呢個好多人好迫嘅商場。





「 而家五點鐘都未到,有冇興趣去cafe嗰邊hea下。」

「 只要離開呢個咁嘅地獄,去邊度都冇所謂。你想玩board game,定係話想睇漫畫書。」

「 靜靜地睇下漫畫書算啦,我唔想玩咩board game。」

「ok, 咁你跟我行,我帶你去睇漫畫嘅cafe啦。」