愛是恆久忍耐: 第十三章

第十三章
拎完whatsapp嘅第二日我照常返學。不過放學嘅時候,我都會直接返屋企,冇再去到圖書館。 雖然在課室嘅時候佢會偶爾同我傾偈,但我怕會在圖書館撞到Ashley,因為我覺得佢在圖書館同我傾偈既時候,我對佢既態度會好唔一樣。
 
時間話咁快就去到星期六,我決定好好咁去玩唔再理心煩既問題。
 
本人係一個十分重視時間嘅人, 所以未到2：00,我已經到咗旺角火車站。 其實我真係好驚旺角區,一到星期六條街就會人頭湧湧。 同埋就算你迴避技巧有幾好,總會有啲仆街大陸人,佢嘅行走路線只有一條直路,就算你係佢條直路面前,佢都唔會理你會撞開你先。
 
「 阿康,你喺咩位置呀!兩點都嚟緊啦!你幾時到呀？」
 
「 大佬呀！你都識講啦,而家兩點都未到,我啱啱到咗九龍塘站喇!好快就到,你耐心d等下啦!」




 
「 你約個班女仔,我一個都唔識,你叫我點樣認人呀,到時嗰啲女仔搵唔到你,之後走咗未麻煩。」
 
「 你嗰啲咩邏輯嚟㗎？你試諗下當個女仔搭車出嚟, 佢需要付出時間同埋金錢搭車出嚟,你覺得佢會唔會因為等咗一陣唔見我而走咗去先？個答案係唔會呀!因為唔等埋我呢件事上面,根本上唔乎合經濟利益。」
 
「 我唔理你咩經唔經濟效益呀!麻煩你快啲到吖唔該。」
 
「okok。你等多陣我好快就到。」
 
阿康到咗之後其他三個女生,陸陸續續都到咗。三個女仔到齊之後,阿康逐個逐個介紹。




 
講返三個女仔,分別叫Amy,Kelly同埋Bonnie。
 
Amy屬於文靜嘅學生妹,Kelly屬於MK妹型,Bonnie就屬於運動型既女生。
 
三個女仔每一個人都有唔同嘅特點,有時候我真係唔明白,點解佢唔可以約到唔同類型既女仔出街。不過,我諗呢d就係佢既個人魅力。