愛是恆久忍耐: 第十二章

第十二章
我搭車返屋企嘅途中,我回想起來對於Ashley上車前所講嘅說話, 我諗緊我會唔會令佢覺得,我係一個好自私嘅人呢？之不過講出嚟嘅說話,就好似潑出去既水一樣,唔係你想收就收得返。
 
「hi,我係Ashley」返到屋企我睇到佢send畀我嘅message。 我隔咗好耐都唔知點樣回覆佢好。
 
「Hello,我準備瞓喇晚安!」諗左好長既時間,由返到屋企,食完飯沖完涼,到臨瞓覺之前,我先諗到呢一段message。
 
其實有一刻,我曾經有諗過搵阿康,去問佢究竟應該點樣去回覆。 但係我覺得佢唔會正經咁樣回覆我,所以我放棄搵佢尋求協助。
 
「 你咁遲先回覆嘅,我啱啱先做完功課,我都差唔多準備瞓喇。早抖。」




 
當晚我其實諗咗好耐好耐,覺得為咗維持我同佢嘅友情關係,我覺得暫時保持一個適當距離適,在呢個時刻係有必要維持一個安全既距離。
 
大家可能覺得,你哋宜家只不過係普通既同學關係,連朋友都未算嘅時候,講咩嘢維持友情嘅關係。
 
但係我想講畀你知,係呢個時間,我其實好驚講錯嘢,失去咗連朋友都做唔到嘅情況。為免到咗真正失去既時候會傷心,倒不如從來都唔去踏出改變關係嘅呢一步。
 
所以我下定咗決心,我唔會因為佢而刻意改變我現時對佢嘅態度。
 
對於我同Ashley既關係,我決定咗唔去理,見步行步就算。