我比一個籃球追殺: 放左學之後

我係一個平凡到無得再平凡既學生妹，今年16歳讀中五。我畫畫唔叻讀書唔得運動更加屎，一啲過人之處都無。
但係我今日遇到一件怪事，一件一啲都唔平凡既事。
我好似平時放學咁，行球場外面返屋企，但係我今日聽到…有個籃球喺個地彈下彈下既聲。
好正常呀，隔離就係籃球場。我望左個籃球場一眼，忍唔住打左個冷震。
無人…籃球場入面一個人都無，咁邊個喺度拍波呀？
我擰轉頭，睇下邊個乞人憎喺我後面拍波。
無人…連波都無一個…
我擰返轉頭繼續行，但係一行就聽到個籃球喺個地彈下彈下既聲。
我又擰轉頭，睇下邊個衰人陰我。
都係無人…鬼影都無一隻…




我狂飆冷汗︰唔係呀嘛，家陣都未七月十四，咁猛料呀？
我擰返去諗住繼續行返屋企，點知…
Fxxk！點解我腳邊會有個紅卜卜既籃球架？