人渣誠自傳（完整版）: 七
「Heidi佢，好似唔係處女...」阿偉講。
點解阿偉點會知我同Heidi搞過既...?
「你點知架!?」我問。
「我聽我新女朋友講既。」阿偉既女朋友係F.6既姐姐。
點解佢又會知呢!?我唔識佢架喎。
「點解你好似一啲都唔介意既?」阿偉疑惑。
有咩好介意呢?
「自己女朋友比其他男人搞過喎...」
「咩話!?」
乜向左走向右走野其他男人啊?
「佢同佢之前個男朋友係學校男廁搞過，F.6有好多人都知...」
我當刻既心情，同拓海有異曲同工之妙。
三萬蚊，過夜，你條女係雞黎。
阿龍，係Heidi既前男友，係我校F.6既學生。而且，仲係一個絕世既MK肥仔。
我之所以聽過佢個名，並唔係因為佢係Heidi既前男友，而係因為佢食女既事蹟。依條男朋友年中媾埋媾埋都應該幾十條女，我都唔明點解啲女會鍾意佢，貪佢肥?
其實Heidi之前都有同我提起過佢，但係，佢聲稱佢地只係打過茄輪。其他既，乜都冇做過。
「你係第一次架可?」我記得，我有問過佢。
「係啊。」Heidi係咁答我。
依家諗返起佢答我個樣，好虛偽，好可怕。
「唔會係真既，Heidi唔會呃我既，佢唔會呃我既...」我催眠自己。
但我突然諗起，佢個日冇端端同我提起處女唔一定有血，全部野都講得通喇。我地第一次上床既時候，佢一滴血都冇。佢不單止唔痛，仲好享受。
我po依篇文既時候，已經有好幾個巴打估到佢唔係處。連佢本人都唔識既你地都估到，但點解我咁on勁，咁都發現唔到...
「你點啊?」阿偉擔心我。
「可以點丫...」我灰左。
點解我咁愛佢，佢要呃我?
但其實我知道，我介意既，並唔係佢呃我。而係，佢比第二個搞過，一個我唔識既男人搞過
「我諗，佢唔同你講，都係怕你介意姐。」阿偉試圖安慰我。
「我知...」我說。
我點會唔清楚丫，Heidi都係驚我介意佢既過去，先唔敢同我講，要呃我架姐。依樣我當然明啦。
「你真係好介意佢比人搞過?」
「係...」
廢話，試問有邊個男人真係完全唔介意自己條女比人搞過丫。
「你問自己，你愛既係佢個人，定係佢個閪丫?」阿偉道。
「咁緊係佢個人啦。」
「咁就得啦，既然你鍾意佢，就唔會因為佢係唔係處女而改變。」
「...」我無言以對。
「邊個冇過去丫...你有，佢都會有。」阿偉講得好滄桑。
諗諗下，其實我咪又係冇同Heidi提過張彥琪既事。我地既分別，只係在於扑左未...我又有乜資格怪佢。
師父，我諗，我明白了。
「多謝你..」我說。
「Hi，講呢啲。」
阿偉同振威，其實我同振威熟好多。但係有事要傾訴，我會揾阿偉先。唔係因為信唔過振威，而係我覺得，阿偉比較明白我。
佢未必會好似振威咁，日日陪我打LOL、吹水。但我只要郁一郁條尾，佢都知我諗緊乜。講講下，都有啲掛住佢。Btw，我地唔係hehe。
同阿偉食完野之後，佢返左屋企打GTA。而我，就去左揾Heidi。
早幾日，我約左佢去睇戲。好似係睇復仇者聯盟第二集。
我地約左係火車站等，之後一齊去UA。行去火車站既路上，一路係度諗等陣要點樣面對佢。
好亂，好亂。
Heidi─不是處女的女友
睇戲既時候，我一直望住坐係隔離既Heidi。佢既側面明明同平時無分別，但我硬係覺得好唔同。
我眼前依個美若天仙既女仔，居然比個個死肥龍糟蹋過。我真係Hi佢老味，正一Hi Hi黎!如果可以既話，我一定閹向左走向右走左佢。
「做咩係咁望住我啊?」Heidi細細聲問我。
「冇..冇啊，掛住你囉...」
「睇戲啦，傻佬。」佢笑了笑。
其實我有諗過要同佢對質，問下佢係咪同肥龍係學校廁所搞過。但我又好怕問，我驚一問就會影響我地既關係。
我好驚佢會唔要我。
我曾經以為只要我一直唔講，我地就會好似以前咁，幸福快樂咁生活...
但係，話唔介意就唔介意，邊有咁易丫。
唔係咁易既。
有啲事，發生左，就係發生左。冇可能話忘記，當冇左件事，就真係冇左件事。
就算隻字不提，心中點會留下一點刺，隱隱作痛...
「頭先套戲真係好好睇啊!」Heidi說。
睇完戲，我送佢返屋企。
「嗯..」
「你做咩啊?心情唔好啊?」佢停低，睜大眼望住我。
唉，點解會變成咁
「我愛你，真係好愛你...」我攬緊佢，道。
原來愛一個人，都可以咁痛苦。
「我都係啊，傻佬。」
回到家後，我突然好想揾個人傾下，於是，我揾左張彥琪。
「喂，你係咪屋企?」我打比佢。
「係啊，做乜咁好死打比我啊?唔洗陪你女朋友仔咩?」佢問。
「冇啊，想揾個人傾下心事咁啦，你得閒?」
「得既，樓下公園等啦。」
「嗯。」
自從我媾到Heidi之後，我都冇乜揾過佢。總有一日要報答下佢先得。
我行落去公園，望住兩個細路仔係度追逐，不自覺地令我回想起同張彥琪既過去...
「點啊?有咩心事啊?」張彥琪踢住人字拖行過黎。
真心幾正。
「我有野想問你...」
佢以前同過肥龍一班，佢可能知內情，所以我決定問佢。
「你知唔知Heidi同肥龍既事...?」我續道。
「都知少少啦...」佢聽到肥龍個名之後，樣都變埋。
直覺話比我知，佢同肥龍有過節。
「你有冇聽講過佢同肥龍同佢係男廁...搞過啊..?」
「哦，有啊，好多人都知架啦。」佢講。
好多人都知!?點向左走向右走講我聽都未聽講過架。
「當時肥龍同佢係男廁一齊出黎，咁啱比Miss趙見到，所以傳到全級都知...」
「後來聽講佢比人記左個小過同要見社工，其他既我就唔清楚喇。」
Heidi同我一齊既時候，都仲有keep住見社工，我亦有問佢原因。
點解一個操行攞A既女仔會見社工呢?我地學校只有問題兒童先要見社工架喎，例如我。
「冇啊，之前低form既時候同屋企人有問題，所以驚動到學校姐，唔洗擔心喎。」佢既笑容我到依家仍然瀝瀝在目。
好燦爛，好美。
但到依一刻，我先知道，埋藏係笑容下既，只係一個謊言。
佢唔係因為屋企人既事見社工，而係因為佢同人係學校扑野比老師發現左。
依個女人都算呃得我透。我不由地懷疑，佢至今講既野，幾多係真，幾多係假?
我真係唔知。
Hi。
「做咩啊你?你好介意咩?」張彥琪見我冇回應，問。
「廢話啊!?我條女比人搞過啊!」我怒吼。
張彥琪退後兩步，好似驚左我。我都發現自己都過火左，馬上道歉。
「Sorry，我語氣重左。」
「唔緊要，我明你感受。」
「其實佢拍過拖，你就預左架啦，你愛佢，佢愛你咪夠囉。」佢繼續講。
只要你愛過佢，就唔會介意佢比第二個上過?係咁架咩?我愛佢先介意咋。點解個個都講到係我問題咁既?
究竟係我既錯，定係世界既錯?