人渣誠自傳（完整版）: 四
「咁我應該點做呢?」
「你六點半過黎我屋企傾啦。」張彥琪話。
佢屋企，我都唔知幾耐冇去過喇。話時話，有咩唔可以係電話講，要特登去佢屋企呢?算啦，聽住佢講先。
「好。」
六點半既時候，我換左衫，過左去佢屋企。
「入黎啦。」張彥琪開門比我。
係屋企既時候，女仔身上總係冇乜布。黃色既小背心，再加上一條短過我手指尾既沙灘褲。睇真啲，佢隻腳都幾白滑。同埋，佢對波真係好大....
對於一個世紀毒向左走向右走黎講，可以入到女仔間房都算係創舉。真係好香。
總合以上所說，我扯左。
「你睇下。」佢打開notebook，比入面張相我睇。
Hi，G-Dragon!?
「乜料啊?」
其實我好憎韓仔，個個都差唔多樣咁。啲歌又膠，識聽一定係奕迅。
「所謂人靠衣裝，佛靠金裝，你依家最需要既就係執執個樣。」張彥琪話。
「執到G-Dragon咁好樣!?唔係掛」
「信我啦，好多女仔都鍾意依啲架。」
的而且確，Heidi同我吹水既時候，有提過自己鍾意Big bang。
「首先，你唔可以再着依啲衫。」佢指住我身上既初音未來。
「但係，我屋企全部都係依啲衫黎...」
「得喇，星期六我陪你去買衫。順便...」
順便!?順便咩啊?
「順便剪埋你個死人頭啊!!!留到咁鬼長，你估你山下智久啊?」佢一野拍落我個頭。
由細到大，我都懶得剪頭髮，長到比學校捉既時候先自己剪。
「一於咁話啦，我阿媽就返喇，我地遲啲再傾啦。」講完，佢就趕左我走喇。
咪住先，我好似冇話好喎...算數，就當同佢聯誼下。
第二朝，星期五，又係渾渾噩噩咁過左大半日。直至上到通識堂，又可以同Heidi坐。
原本我諗住，點知張彥琪聊Heidi傾下計，點知，平時唔多出聲既張彥琪居然主動揾我講野。
「記得啊，聽日我地要出去架，咪訓過龍。」張彥琪話。
「得啦，從來都唔遲到。」其實我成日遲到。
隔離幾個人呆左咁望住我地，特別係Heidi，佢好似好唔開心咁。
「你唔開心啊?」我見Heidi西口西面，就問佢。
「唔係啊!!」佢好似嬲左我。
發生咩事啊?我係咪做錯事黎啊?唔通佢.....
黎M?
「M你個頭啊!好明顯就呷醋啦。」六點半既時候，我又過左去揾張彥琪。
「呷醋?點解既?」
「我今日咁明顯約你出街啊，佢緊係呷醋啦。」張彥琪解釋。
「死啦，佢今日真好嬲喎，點算啊...」我開始不知所措。
「唔洗驚，你諗下，佢唔在乎你又點會呷醋呢?」
又係喎，唔通Heidi好在乎我??
「所以，我覺得，佢應該都鍾意你...」
係咩!!!!?有咁既事?
「...除非唔係。」
我頂你個肺丫...
「如果佢真係鍾意你既話，佢應該好快會主動揾你架喇。等下啦。」跟住，張彥琪又趕左我走。
個一晚，我冇打LOL。訓係張床上面，望實部電話，期待住Heidi主動揾我既一刻。一等，就等到天光。佢，冇揾我。
如果佢真係鍾意你既話，佢應該好快會主動揾你架喇。
係咪即係佢唔鍾意我，係咪我FF太多?
當日，我頹向左走向右走左。
我一整晚冇訓過教，九點幾既時候打左比振威，叫佢起身打LOL。
「起身喇，打LOL喇。」
「Hi 你屎忽咩..你放過我啦...」佢把聲好磁性。
「快啦。」
「得喇得喇，頂你個肺丫...」
就係咁，我地瘋狂排rank。心情唔好，打LOL特別勁，一個唔小心就penta kill。全靠振威全力協助對面隊，如果唔係都唔知點輸。
「我好攰喇...你比我抖下啦Hi Hi...」振威哀求。
「好啦好啦，去死啦你。」
佢bye bye都唔講，就即刻off左。
見到振威off左，我都諗住訓陣。點知張彥琪whatsapp我，我先記起約左佢。
「出得門未?」佢問。
Heidi都唔鍾意我啦，仲搞咁多做乜丫...
但廢事放張彥琪飛機，難得最近關係有改善，唔想因小事又變差，所以我都係出左去。
「出得。」
佢今日純黑色背心，白色熱褲，粉紅色既bra若隱若現。相信各位見到一定j到出血，但我扯都冇扯。唔係因為我定力高，而係因為我冇心情...
首先，佢帶左我去一間係咁播韓文歌既鋪頭買衫，佢揀左幾件黑白色既，上面有極大既「NY」同埋數字，之後叫我買。心諗，唔向左走向右走係掛。
「咁向左走向右走MK，唔制!」
「你信我啦...」
我地係間野嘈左一陣，最終，我都冇買到。而去左G2000買兩三件Shirt衫。
第二站就係去剪頭髮。張彥琪帶左我去一間叫「Dada」既salon。BETWEEN，好名，Dada真心正。
唔知係咪太耐冇剪頭髮，原來...咁向左走向右走貴。個師父仲要剪左成半個鐘，雕花咩?不過客觀講句，
真係幾型。
之後，我又上左佢屋企。
「依家又要點呢?」其實我好眼訓。
「幫你搞搞個頭。」
「吓?咪剪左囉，仲想點啊?」
佢冇出聲，攞左盒Gastby既髮泥幫我gel頭。
我望一望鏡中既自己，
「嘩，咁靚仔既?」
我估唔到自己仲可以再靚仔啲。
「Stop la啦你，全靠我咋。」張彥琪話。
「多謝你。」我微笑道。
「比啲耐性啦，佢會揾你架喇，信我啦。」
結果當晚，Heidi真係有whatsapp我。
「對唔住啊，琴日我態度咁差，唔好嬲我啊」外加一個流淚既emoji。
終於都黎喇!!!!!我最期待既畫面出現喇!!!!!!!!!!!!
「唔緊要啦，但係你介唔介意話我知發生咩事啊?」我好想知佢係咪呷醋。
「你依家得唔得閒啊?我有野想同你講啊...」
「好啊，邊度等啊?」依啲情況，緊係老向左走向右走都話得啦。
我即刻換上今日買既新衫褲，出門前再整下個頭。
「得，靚仔哂。」我對鏡中既自己說。
去到火車站，離遠就見到Heidi企係度等我。
「Sorry啊，係咪等左好耐啊?」我走上前打招呼。
「嘩!你靚仔左咁多既...」佢大吃一驚。
「多謝...」紅都面埋。
「係呢，你係咪有野想同我講啊?」我問。
「嗯...」講完，佢深呼吸一口氣。
「我琴日係因為你同張彥琪出街呷醋，所以先發你脾氣。」佢用兩秒將成句野讀完。
我好肯定，我聽到「呷醋」兩個字。阿媽，我要去馬喇，你要保佑我啊。
「呷醋?你鍾意我...?」
掉返轉黎問佢既好處係，可以得知佢既諗法之餘，就算對方話唔鍾意自己都冇咁Seven。係阿偉教我既。
Heidi塊面仲紅過我，
「嗯...」
啊!!!!!!!!!!!!!!!!!!!!!!!!!!!!!!!!!!!!!!!!!!!
多謝阿媽，我脫毒喇!!!!
「咁你可唔可以做我女朋友啊!!?」我大聲到成個火車站既人聽到。
「如果你係認真既話...」佢點一點頭。
我諗都冇諗，一野轟左落去。我終於擺脫A0喇。
咁啱，火車站隔離有隊樂隊演唱緊《相依為命》，我同Heidi兩個拖住手聽，好浪漫。
當時我以為自己會過住幸福快樂既生活，點知，一切都只係我既幻想...
我既成「渣」之路，總算拉開左序幕。