［老人x懸疑x諷刺］我在老登討論區追尋外婆死去的真相: 堅離地成6.4

我默不作聲，與長輩討論政治是極危險，可能思覺像也失調，遠離政治遠離長輩才是明哲保身之法。

但成舅父又豈會放我一馬？我懷疑他是不知道那個神派來考驗我的忍耐力。

［係呢阿俊，你好似有出去佔中架可？］

［都唔算既，同朋友出去坐左幾日姐。］我避重就輕。

［咁你地就唔岩啦，你班小朋友唔知頭唔知路又比泛民班政棍利用左，有功就佢地領，有事就你地受，唔好咁天真啦，仲學人爭取民主？你連政治係咩黎都搞唔清楚啦。］成舅父邊說邊拍我的椅背，震撼感好比4d電影。





還記得去年，成舅父問過同一條問題，當時我不虞有詐，如實告知是佔中的狂熱份子，協助補給與製作文宣，最後換來舅父窮追猛打，所以佢是一個絕對找到機會偷襲我的人。

［咁你又搞得清楚咩叫政治？］

［所以我咪唔理政治，政治關我鬼事咩，人人有飯食，有樓住，有車揸，我理得邊個當權。］成舅父理真氣狀地道。

舅父說得沒錯，香港大部份人像他一樣，可是沒有我們這群傻子，香港就完完蛋了。

［俊仔，唔好搞咁多野啦，專心讀書搵份好工啦。］成舅父語不嚴肅，似是揶揄多於真心勸告。





我微微點頭，嗯了一聲，希望將話題帶向終點。

［長輩同你講野，比意見你，你點可以咁冇禮貌。］雖然天氣炎熱，但父親仍不忘書中送炭。

［多謝舅父！］我刻意吆喝得令車廂充斥我的聲音，司機也竊笑一下。

幾經辛苦，連場散打後終於到達酒樓，幸得爺爺幫忙預先拿位置，我們一行四人免去等候之苦。

爺爺聚精匯神地翻看報章，並未察覺我們的存在。





［阿爸！］父親展現難得一見的笑容。

［老爺！］母親親切地說道。

［親家老爺。］舅父收起了剛才的鋒芒。

［好耐冇見啦，黎黎黎快d坐低，比我好好咁望真你地。］爺爺興奮得手舞足蹈。