［老人x懸疑x諷刺］我在老登討論區追尋外婆死去的真相: 堅離地成6.3

我自顧自走路，未有理會他，我把全身的力氣集中在控制行李車。

［俊仔，唔得既就出句聲，等舅父幫你手。想當年我後生果時一個人推兩架車都冇問題，所以話依家d後生仔真係冇用，小小苦都唔捱得。］

［係啊，我真係冇用，就等舅父表演下推車。］我停了步，眼神示意舅父接力。

舅父被我突如其來的舉動嚇怕，沉默了半頓，作不出任何反應。

［舅父係長輩黎，點可以叫佢幫你推車仔？冇大冇細，我平時點教你？］父親義正詞嚴地斥責我。





［你平時有教過我咩？］

現場的環境更加緊張，父親瞪大雙眼，青筋暴露，似是火出爆發的前奏。

［仲嘈？我地約左爺爺五點半，唔好要老人家等。］說罷，母親與我一起推行李車，直到登上計程車，成舅父才開始說話。

［香港，真係好令人懷念。］成舅父從青馬大橋遙望遠方的碼頭。

［呢到，真係一塊福地。百業興旺，冇天災冇人禍。有時真係想番香港落地生根。］成舅父語帶唏噓。





偽香港人，好比漢奸賣國賊，身處外國說愛國，香港沒有他們才是真正的福地。

見利忘義的偽君子站在道德站地說廢話。

［同意既，咪多d番黎香港住。］父親說道。

我寧願他們留在外國，不要勞煩我，最好一年回來一次。

［我都想，可惜班佔中黃絲搞到香港亂哂大龍，我都對呢到冇咩信心啦。］成舅父一如往常絕不錯過揶揄年青人的機會。