［老人x懸疑x諷刺］我在老登討論區追尋外婆死去的真相: 讓座老人4.8

［我地三個係由細玩到大，退休之後阿蓮去左教插花班，我同阿嬌冇咩細藝，所以就報名參加，當係學下野，順便打發時間。］

這一點我很清楚，從婆婆的照片中也可得知。

［直到阿嬌同阿蓮係幾年前上左老登，佢地既性格唔同哂，變得好熱心參與政治。最慘既就係佢地失去理性。］

［政治同民生好多時都冇分錯對，但老登一直鼓吹老人優先，就好似一種極端主義，一定要同年輕人對立。］

這種情況有點似line登討論區，這是不可避免的情況。





［跟住，佢地就就加入左一個叫做金齡銀牙褔利小組，呢個小組好神秘，做d咩根本冇人會知。］

金齡銀牙褔利小組？會不會是老登開發公司金齡銀牙所主導？即是說開發公司背後隱藏驚天大陰謀，目的是要控制全港老人家？

［呢個小組係咩黎？］

［唔知，阿蓮同阿嬌好神秘，咩都唔同我講，冇幾耐佢地就出現係大大小小既政治場合，不停叫人去投老人聯。］

看來老人聯與老登開發商確實有不可告人的關係，至少可以推測是利益輸送。





［阿俊，我唔想同你講既原因係因為我唔想破壞婆婆係你心目中既形象。］張婆婆以看著手上我與婆婆的合照，感慨萬千。