［老人x懸疑x諷刺］我在老登討論區追尋外婆死去的真相: 讓座老人4.7

［張婆，我係佢個孫，我叫阿俊。］我輕輕拍了拍婆婆的肩膊。

［點解，你會認得我。我好似未見過你。］

［婆婆生前成日提起你，佢話你係佢最好既朋友，係得你一個先夠膽頂撞佢。］

婆婆的微笑混集淚水，在失去摯友的情感中回憶與婆婆的美好時光。

［婆婆銀包除左我同佢既合照，仲有放你同陳婆婆既合照。］





能夠找到一個與自己吵吵鬧鬧的朋友，其實是畢生的福氣，至少你做錯事會有人提點，道出不足。

張婆搖搖頭，嘆了口氣。

［如果唔係阿嬌帶壞阿蓮，我諗我地三個都仲會係好姐妹。］張婆無奈的表情與感嘆的語氣背後似是埋藏驚天秘密。

阿嬌是陳婆婆的名字，她叫作陳嬌。

［張婆婆，可唔可以講清楚d?你地三個唔係一直都係好朋友黎？］我狐疑地問道。





張婆婆欲語又止，似乎不想回答這個問題。

［婆婆，拜托你！我真係好想好想知道。］我雙手合十，態度懇切。

張婆婆凝視著我，終於開口說話。