《名為青春的樂章》（ 逢星期日晚更新）: 第十八話：誤會
「之後...就無啦。」啟明一邊喝住咖啡，一邊向我同埋靜詩回憶返前日佢同埋旻宇嘅事。
「唉，講真，我知道咗你暈咗之後真係嚇到個心都離一離囉。」靜詩說。
「對唔住，只係我...唉，」啟明歎咗口氣。「我一直都未試過－」
「得啦得啦，我地知道。」靜詩直接打斷咗啟明，「只係見到你終於可以踏出嗰一步，我真係替你開心呢！」
「我都係。」我說。
「係啦。」啟明佢突然諗返起啲嘢，「俊昇，你而家同埋依琳佢點樣呀？」
「咪仲係平時咁囉，咩事呀？」
「已經好耐嘅啦喎，你仲唔知依琳佢一直都鐘意緊你咩？」
「我知...？！」等陣，我好似講咗啲好嚴重嘅事喎。
「吓？！！！」靜詩同埋啟明同一時間咁大喊，差啲就要搞到我耳鳴。
「我頭先無講嘢呀。」希望佢地兩個會buy啦。
「你頭先唔係話你一直都知道依琳佢鐘意你嘅咩？！」
睇嚟我都係要同佢地兩個十五一十咁講曬成件事出嚟啦...
我以最少細節咁同佢地講曬我好好好耐之前我打算同曉欣佢告白，但係最後選擇咗放棄嘅事。
靜詩聽曬成件事之後，對一件事十分之不解：「但係呢俊昇，依件事同你而家同埋依琳之間嘅事有咩關係呀？」
「因為就係佢第一個知道，而且一直都好鼓勵去同佢告白，如果我而家又同佢一齊嘅話，我驚佢會認為佢只係曉欣嘅替代品...」
「咁你認為佢係唔係呀？」
「唔...唔係，我根本就－」
「咁就得啦。」靜詩打斷咗我，「既然你一開頭就無咁諗嘅話，你就唔好驚依啲啦。」
「哦......」
之後我地三人之間就只係充滿住尷尬嘅氣氛，一句嘢無講過。不過或者我...都係唔好咁驚啦。你得嘅，何俊昇，唔好咁細膽！
「...咁我捭佢聽啦。」啟明突然將佢部手機遞捭我，「捭你嘅，聽就得啦。」
我一頭霧水咁拎咗佢部手機，「喂？」
「俊....係俊昇你呀。」等...等陣，依琳？！
「哦！係我呀，咩事呀？」唔好咁緊張呀！傾個電話姐，有咩大件事呀！
「頭先啟明佢同我講，話你咩一直都當我係替代品之類喎...」
OH
SXXT
死得啦！！！！！我...我以後唔洗再見佢啦！！！！
「無...無，我點會咁諗嘅呢？」
但係從電話另一邊傳嚟嘅，就只有依琳佢而家以好恐怖嘅語氣同我講：「真係嘅？既然你而有曉欣佢，咁仲要我依個『替代品』嚟有用咩？」
今次真係死...誒？佢頭先話我而家有曉欣佢？
「我...我都無同曉欣有過啲咩，你係咪諗多咗呀？」
一瞬間依琳嘅語氣從想殺人變返平時咁，「你...你唔係同曉欣佢拍拖咩？」
「我都無同佢告白，我記得嗰日我唔係同你一齊嘅咩？」（詳情請睇返第六話）
「嗰日...係喎，咁姐係你一直都唔係鐘意曉欣囉！」
呀...點解成件事而家好似向緊啲奇怪方向發展嘅？
「咁...曉欣佢一早就有男朋友，我唔想做第三個人...」我尷尬地望向靜詩，然後返到依琳而家嘅情況。
「誒？！原來曉欣佢一早就有男朋友嘅啦！咁係邊個呀？」
我清咗清喉嚨，「係天宇佢。」
「哦...咁呀，姐係我唔係替代品啦！」
「緊係啦！你又係我唯一嘅....！」呀！！！！！我係度講咩呀！！！！
而係另一邊，依琳佢而家正因為頭先俊昇所講嘅嘢而陷入咗『輕機』嘅狀態。
（依琳內心OS）
佢佢佢頭先話我...我係佢唯一嘅呀！！！！！！！
我仲有機會呀！捭啲勇氣出嚟，就約佢一齊出去啦！
（內心OS，完）
「係...係啦，」依琳佢口窒窒咁講。「後日，不如我地一齊出去啦，好唔好？」
一...一齊出去？得...得嘅，掛。
「好...好啦。」依琳一聽到我嘅答覆，即刻cut咗我線。
應...應該唔會好大件事嘅...我諗。
《待續》