【愛情/輕甜】☺我的鄰家女孩☹: 十三、〈 迷思 〉

十三 、〈 迷思 〉 
-------------------------------------------------

雪瑩
online
--Hi 23:16
點解你會有我電話23:16… 23:16
你識嘅雪瑩已經死左 23:20


唔好再搵我 23:20
 ------------------------------------------------- 

比雪雪Block左3日 

飯局過左兩日 

周浩軒啊周浩軒 



人地明明住係隔離你乜都做唔到 

你係咪男人黎架? 

…

…  

雪雪係啊Nick新女朋友(Ivonne) 



但係佢唔想其他人知我識佢 

係飯局，雪瑩露出左陰沉嘅佢冇可能出現嘅笑容 

衣著裝束都好成熟，仲好野性… 

就好似… 好似變左第二個人咁 

唔通呢個先係真正嘅佢?  

無可能! 

點解無可能? 



都12年，1年都可以改變一個人好多野更何況12年?  


唔係! 唔關事! 

最大問題應該係嗰個笑容!  

4日前去佢屋企見到嘅佢應該係最真實嘅佢，因為有伯母係度 

好明顯個佢好陰沉、又唔識笑 

然後我表明身份之後佢個驚訝樣都應該係真，因為佢之後衝走左  

係我表明身份之前嘅佢都係真實嘅佢 



佢唔想人知我識佢 

可能係唔想啊Nick知? 

佢係啊Nick面前扮緊另一個人? 

為左咩? 

咪住先… 

咁講即係… 我呢個人對係啊Nick面前嘅雪雪黎講係有特別意義 

我嘅存在係會影響到佢 

「我認識佢」 



啊唔係 

應該係「我認識嘅佢」對係啊Nick面前嘅佢黎講係 

危險?     


「軒哥~」 

「軒哥~~」 

「喂~軒哥啊~你做乜望住我咁耐遮~人地…人地怕醜架~」女生輕輕掩面。 

呢把咁「悅耳」嘅聲音又將我帶翻現實 



如果我係帶住耳機咁聆聽呢把聲 

我諗我兩邊耳膜應該穿左同流緊血  

「冇~事!不如我地繼續!」我指住份practice paper 

「耶~ 今日得我地兩個，乜…軒哥你就冇諗住做翻D…平時唔會有機會做嘅野咩?<3」敏晴將隻食指擺係嘴唇邊，對眼瘋狂眨住咁講。 

今日李太唔係度監督，本來以為終於可以輕鬆少少，結果原來係惡夢嘅開始。 

「冇!」 敏晴越坐越近，步步進逼 

「我…去一去洗手間先!」我即刻企左起身，頭也不回咁衝去廁所，好彩佢都冇跟黎翻左自己房。  

係廁所，手賤嘅我又打開whatsapp，睇下雪雪有冇unblock我。 


-------------------------------------------------

雪瑩
online
--Hi 23:16
點解你會有我電話23:16… 23:16
你識嘅雪瑩已經死左 23:20
唔好再搵我 23:20
 ------------------------------------------------- 


都仲係灰tick… 

不過，我相信我對你黎講一定係應該有特別意義嘅…  

做戲做全套，揸個水先。  

正當我舒暢緊嘅時候，我好似聽到出面有一種奇怪嘅聲響。 

喀 

喀喀 

依家6點鐘左右，雖然話天都黑齊，唔會咁猛啊??   

「嘻嘻嘻…」 一把女聲係度奸笑。   

喀喀 

喀喀喀 

我屌! 門鎖聲? 唔撚咁撚顛掛?   

「軒哥…我又想去廁所啊… 不如我地一齊去啊?<3」   


有種門鎖外面有個位 

可以比人用十字批或者銀仔係出面開門 

以防發生意外時延遲救援 

然後依家我去到一半廁所門比敏晴撬緊 

可能你會話有女唔食，罪大惡極 

不過如果你真係想食嘅話我留翻比你啦!!   


我拿拿聲想收翻埋小軒 

喀嚓! 

廁所門失守喇!  

「軒哥~<3」 

Shit!  


喀喀  

!?  

.
.
.


19:20 

唉! 

今日真係特別攰 

先唔講翻8半要晨咁早起身 

頭先差D就比敏晴…… 

好彩臨尾李太「及時趕到」 

原來個顛婆真係走左入房攞左支一字批撬我門 

之後佢比李太鬧左餐 

因為佢一開門就見到個女攞住支批撬人門 

第一次覺得李太講嘅野唔煩…  


我一如以往由隔離樓行翻自己樓，係大堂門口見到一個熟悉嘅女性身影左右度步。  

佢一見到我就好似見到救星咁行埋黎  

「哎呀!軒仔! 好彩見到你炸~」 

「伯母!? 做咩門口行黎行去唔入去啊?」 

「嘿~ 新搬黎唔記得左密碼啊~」

伯母雙手都攞住唔少野，應該去完街市翻黎。 

「4685啊! 下次打係手機度，咁就唔會唔記得啦!」

估唔到佢地兩母女唔記得密碼嘅時候，都撞到我。

 同保安打完聲招呼，我地一齊搭lift上樓。  

「係呢，有冇咩進展啊~」伯母笑笑口咁問我。 

「……」我一時語塞。 

「睇你個樣就知唔太好啦，有冇興趣今晚過黎食餐飯啊? 」 

「下…唔係咁好嘅…我諗佢應該…都唔係好想見到我，哈哈。」 

「唔怕啦，今晚雪瑩夜翻唔食夜晚喔… 上次同你傾得嗰半個鐘，我諗你應該仲有野想問我嘅~」 

「都係嘅… 咁好啦」