【愛情/輕甜】☺我的鄰家女孩☹: 七、〈 突如其來的請求 〉

七、〈 突如其來的請求 〉
 
「啊瑩…真係乖女黎，知道我做唔到野，屋企冇錢，就同我講話退學打工幫補家計，明明佢咁中意讀書，又唔係讀得差，因為我隻腳就咁斷送左個女嘅前途… 我呢個阿媽真係冇用…」伯母一路講，一邊眼濕濕咁，搞到我好唔好意思。
 
原來雪瑩屋企變左破碎家庭，搬走左，所以12年前就突然冇再出現係我眼前…
 
但係伯母所講嘅「唔係幾開心嘅事」，到底係咩呢?
 
「咁又唔係咁講嘅…」我嘗試安慰伯母。
 


「浩軒啊，你可唔可以幫我做一件事啊? 除左你之外冇人幫到我架喇…」伯母用佢微紅嘅雙眼同真切誠懇嘅目光望住我。
 
「其實…我一直都好想見翻雪瑩，宜家終於有機會比我見到，我幫到嘅會盡量幫。」我攞左檯上面杯水黎飲。
 
 
 
「我想你追佢」
 
 
 


嗯?
 
我好似聽到D… 爆炸性發言
 
 
 
 
「下??咳!咳咳咳!!...」我差D就變左公園D灑水器，好彩係差D。
 
「啊…伯母啊，我…冇聽錯啊嘛? 你叫我追雪瑩? 我好似…先岩岩見翻佢喔!?」我個腦瞬間充滿曬唔同大細嘅問號同感嘆號。


 
「你冇聽錯，我想你追雪瑩。」
 
 
Whaaaaaaat?
 
 
「其實係咁嘅…啊瑩佢由我同個賤人離婚之後，成個人生性左好多，係我面前，除左最初有少少情緒問題之外，佢之後嘅言行舉止都唔洗我擔心，好生性，唯一我擔心嘅就係，佢對於發生左嘅呢一切表現得實在太正常喇… 有時我會係度諗，究竟佢咁平靜係咪一件好事呢… 」伯母語重心長咁講。
 
 
平靜…
 
呢個形容詞以童年時我認識嘅佢黎講
 
同嗰個活潑、好動嘅佢


 
完全唔襯
 
講起上黎，雖然我岩岩先見翻雪瑩
 
係嗰十幾分鐘嘅相處入面
 
 
笑容…
 
我冇見過佢嘅笑容
 
可能呢個就係我認唔出雪瑩嘅原因
 
係我嘅記憶中


 
所有有關雪瑩嘅記憶
 
入面嘅佢總係帶住燦爛又可愛嘅笑容對住我講野
 
然而再見面
 
佢臉上失去左當年嘅閃爍
 
就好似
 
比一塊黑色嘅面紗遮蓋住
 
面紗裡面嘅佢
 


緊緊鎖上通往自己內心嘅門
 
 
「同雪瑩相依為命，一日我要打幾份兼職，搞到冇曬時間陪佢… 我知道其實佢係學校冇咩朋友，應該係話佢仲係唔比人接近自己，一定會同其他人保持一段距離…」
 
你地離婚遮，點解雪瑩會避人?
 
「雪瑩避開人，係咪同妳頭先講嘅『唔開心嘅事』有關?」我集合岩岩嘅資訊，得出呢個問題。
 
「嗯… 係啊… 不過我諗呢層我唔方便同你講，要啊瑩自己肯先得…」
 
 
???
 
???


 
 
「希望你可以用你以前見過佢... 然後用一見鍾情做追佢嘅理由，接近佢，打開佢心窗。」
 
「…但係咁點解妳唔關心下佢，可能都會有一樣嘅效果呢?」我努力保持理性。
 
「做人阿媽嘅，又點會唔知個女點諗?唉…」伯母深深嘆一口氣。
 
 
「有時好多野你地以為我地阿媽唔知，其實我都地都係扮唔知架炸… 雪瑩咁辛苦係我面前扮冇野，我呢個做啊媽嘅，又點忍心拆穿佢啊… 所以我需要你 幫手，用一個朋友嘅角色，幫我開解下啊瑩，等佢多番個朋友又好，可能多左個男朋友咁就更加好啦! 你咁有禮貌又咁關心雪瑩，如果佢個男朋友係你我會好放心架 !」伯母突然好似雙眼發光咁望住我。
 
「啊哈哈… 伯母你真係風趣喇!」我勉強擠出一個僵硬嘅笑容咁講。
 
 
雖然的而且確
 
我真係掛住左雪雪咁多年
 
其實我唔知我對佢嘅情感
 
係單純嘅小學雞仰慕
 
定仲有更加多
 
不過我一定會想同佢做翻朋友
 
就好似當年
 
無所不談嘅我地咁
 
 
「我會幫妳，不過我淨係會以朋友嘅身份… 唔好對我有太高期望。」
 
「你肯應承就好喇，啊係啊，啊瑩電話係9602 8XXX，咁你可以What APPs佢啦! 我個女交比你喇浩軒!」伯母又一臉放心樣。
 
係whatsapp…
 
「唔好講到咁嚴重… 做個朋友先遮哈哈…」