【愛情/輕甜】☺我的鄰家女孩☹: 六、〈 童年回憶．雪瑩2 〉

六、〈 童年回憶．雪瑩2 〉 
 
呢一個月，係我人生最痛苦嘅一個月。
 
老豆每個禮拜房放假都會接我一次放學，然後每一次接完我放學，翻到去就會叫我沖涼，然後又重複呢種嘔心嘅事。我完全對於翻學、睇電視、落公園都冇曬興趣，係屋企因為有老豆係度，我要扮冇野。可能我平時太活躍好動，一唔出聲，老師就發現到有唔妥，問我係咪屋企發生左D咩事。一開始我冇同任何人講，我日日都會見到老豆，如果同人講左，唔知佢會點對我，好恐怖，得8歲嘅我完全唔知點算好…
 
啊媽同老豆一年前開始不停鬧交，老豆又成日唔係屋企訓。唔知係咪因為阿媽見我對老豆嘅態度唔同左，所以察覺到我應該有D野。
 
 
 


「啊瑩，你係咪有野想同我講啊?」阿媽坐係我隔離，半邊身靠住我，右手搭住我膀頭，生理上比左好大安全感我。
 
「唔洗驚架! 呢度得我同妳係度，妳係我個女，媽咪點都會保護妳! 知冇?」佢額頭掂住我額頭咁講。
 
我細細聲耷低頭講左一句
 
「老豆…逼我放學之後同佢沖涼…同幫佢按摩…同…」
 
阿媽一開始呆左，然後喊住咁好大力攬實我
 


比啊媽攬住嘅我望住屋企天花板
 
個風扇扇葉係度慢慢轉
 
一個圈
 
兩個圈
 
三個圈
 


 
腦內出現我同老豆係浴室嘅情境
 
 
我用力合埋眼
 
 
淨低黑色
 
.
.
.
 
即使脫離左老豆魔掌，我都擺脫唔到我自己個心魔
 


之後嘅我都好怕同人有身體接觸
 
最初只要一比啊媽以外嘅人掂到
 
我就會雙手抱住自己
 
踎係地
 
 
接受左心理輔導之後，至少唔會再咁樣，但始終我見到成年男人都會有一種恐懼，搭巴士如果隔離坐左個男人我一定會起身走。當係條街度，我就會覺得D男人望住我，望住我身體，佢地嘅眼神全部都好噁心、好污穢；當夏天係學校，我每日都會著住件冷衫，無論幾熱，無論有冇開冷氣我都會。
 
我深知啊媽同老豆離婚，屋企嘅家庭支柱就會得翻啊媽，社福機構就算點幫我地，都唔幫得幾多，所以就算我幾唔中意學校，阿媽又咁辛苦翻工供我翻學，我都好比心機聽書溫書，我想上大學，搵翻份好工養阿媽，等佢唔洗再捱到咁辛苦，一日翻兩三份兼職。點知係我16歲中四嗰年，阿媽舊患復發，隻右腳行唔郁，屋企連唯一嘅經濟支柱都冇埋，所以未開學，我就揀左退學。我一開始做兼職侍應，一個月先得幾千蚊，根本完全唔夠維持我同阿媽嘅生活。
 
 
「輝哥，我禮拜3同禮拜4都可以翻架，我走堂就冇問題架喇!你比我翻啦!」


 
「好等錢洗咩妳?成日都問可唔可以加鐘，真係咁等錢洗不如去做雞啦!」
 
「…」
 
「喂! 癡線架你?咁同個細路女講野?」
 
「挑!講下遮! 洗唔洗咁啊老細? 我天生把口係咁直你又唔係唔知! 」
 
「啊瑩，唔好聽輝哥亂講，妳真係想翻嘅我會比妳翻，不過我地餐廳細細，人工唔多，如果妳真係屋企有需要，我都可以借住比妳先嘅。」
 
「唔洗架老闆，你比我翻多兩日就得架喇，我搞得掂，唔該曬你啊。」
 
做雞
 


做雞?
 
哈! 可能都係個唔錯嘅選擇
 
其實我仲有得揀咩?
 
都差唔多時候接受現實
 
 
點解個天要咁對我?
 
真係好諷刺
 
我係因為比老豆搞所以先生活得咁苦
 


宜家
 
我就因為生活而淪落到要出賣自己
 
點解個天要咁對我?
 
點解?
 
有冇人，有冇人可以話我知!!!