[絕對無糖分]就係咁，我搬左入一幢充滿一樓一嘅唐樓: １２７　七日鮮

如果要問邊個係薰衣草，首先我又另一樣野想問……

「咩野係『七日鮮』？」我問緊我面前食緊個五香肉丁丁嘅小春。

係，我同佢去左一間茶餐廳食緊野，有少少宿醉嘅我，剩係望住眼前個火腿通，真係宿醉到無咩胃口，而小春就好似餓狗搶屎咁食野，好似聽唔到我嘅問題咁。

「喂，你答左我先啦。」我又話，然後小春望一望我，吞左佢口中果啖面後話：「有無搞錯啊，你係度住咁耐，仲未知咩係『七日鮮』？叫你跟多Ｄ提子哥學野㗎啦。」

無言……望住佢反左個白眼後話：「係係係……我唔夠好學，咁你可唔可以話我知咩係『七日鮮』。」



佢又一副雞博士上身後話：「七日鮮，係講緊拎雙程證落黎香港做果Ｄ女人，因為佢地唔可以係香港留好耐，每次留大既七日，而且每次落黎Ｄ客都會以為係新女，所以Ｄ人都會叫呢一種姐姐仔做七日鮮。」

我聽完後問：「但係，佢地拎雙程證落黎做野，犯法㗎ＷＯ。」

「係啊，所以掃黃成日捉果Ｄ姐姐仔，大部份都係呢一種。」小春話。

原來係咁……真係長知識，但係呢Ｄ知識對我黎講又好似無咩用。

「但係，你又會知賤輝黎搵果個叫薰衣草嘅七日鮮嘅？」我問。



而小春話：「本身我見有新囡，緊係幫襯下啦，但係行到門口果陣，聽到入面有把男聲好熟，聽聽下就認得出係賤輝，我就匿埋一二邊等睇下係唔係佢，點知一開門果陣……」

「開門果陣點啊？」我問。

「屌你！開門後見到入面個姐姐仔貨識唔錯！睇落好後嫩口！波路都唔錯！個樣清清純純咁！真係好想快Ｄ同佢大戰幾回合！」小春愈講愈興奮……

「喂……可唔可以講返重點。」我話。

「我一直都講緊重點ＷＯ。」小春理直氣壯話……無言……



「咁可唔可以講返開門後見到果個人係未賤輝。」我話。

「好！咁開門後，我目光由個姐姐仔移返去個男人度，一望就認得出果個人係賤輝。」小春話。

我聽到後，開始沉思，如果賤輝會黎呢幢充滿一樓一嘅唐樓叫雞的話，咁總有一日我地一定會撞到，亦都姐係話，總有一日，佢會以為我成日黎呢度叫雞！？

諗到呢度我就問始有Ｄ驚，而我望住就未知道有危機嘅小春，開始慌張起黎。

（對唔住咁多位，我終於返黎更新小說，因為２月真係發生左好多事，屋企人有人要解決法律上嘅野，又有人入院，加上新年同埋公司好多野忙，所以停左一段時間更新，真係好抱歉，但最緊好多野都已經處理好，小說亦都會慢慢恢復更新，只不過可能更新時間會變做夜晚，希望大家繼續睇呢個小說，因為呢個小說係我最想寫完嘅其中一個，希望大家繼續支持，亦都謝謝大家繼續睇。）