[絕對無糖分]就係咁，我搬左入一幢充滿一樓一嘅唐樓: １２４　等價交換？

－－－－－回到現實－－－－－

聽完佢地嘅事後，我更加再度諗多次小雨頭先問我果條問題，「『性』對我黎講，係咩野？」

係一種慾望？但我仲係個處男，而且仲要係個性無能……

係一種想試嘅野？咁通常個個處男都會有一刻係咁諗掛。

但小雨所講嘅「性」，係對「性」有幻想都算？咁我成日睇ＡＶ，呢種算唔算呢？



小雨望住我笑左笑，「你又唔駛咁認真，我都無諗過你可以答都我，你咁ＯＮ９點會答到Ｄ咁深嘅問題。」

我無奈咁望住小雨反左下白眼，而ＶＩＶＩ就笑住話：「蕃薯仔，小雨好少何對一個人咁串咀，隨左果次誤會我，你到底做左咩搞到佢要咁對你？」

「我點知……」我無奈咁話。

然後佢地兩個笑得好大聲，我望住佢地更加無奈，轉個話題先：「我地好似都係度好耐，唔知幾時先有人發現我地。」

「唔知呢。」ＶＩＶＩ話，而小雨伏左係佢膀頭，然後ＶＩＶＩ問：「係呢，我都唔知點解你無啦啦黎左呢度住，究竟咩原因？」



「……我……我比阿媽趕左出黎。」我答。

然後小雨笑得好大聲話：「咁大個人都比阿媽趕出黎，你真係經典。」佢呢一笑唔知點解我有想行上去打佢嘅衝動……但我當然無咁做啦。

然而，ＶＩＶＩ笑住話：「聽聞妳阿爸聽到妳同我一齊後，都叫妳唔好返台灣，唔好返屋企，咁妳同蕃薯差唔多咋ＷＯ。」

我聽到ＶＩＶＩ咁講後，呆左呆，係ＷＯ，頭先佢地講以前嘅野，都有題過小雨係台灣人黎……「小雨阿爸？」我問。

而小雨就答：「唔返未唔返囉，我先唔緊要，只要有妳陪住就得。」



ＶＩＶＩ摸一摸小雨個頭，然後話：「但我地而家要做嘅目標，其中有件事係一定要返台灣ＷＯ。」

「去台灣？」我問，而ＶＩＶＩ同小雨互望後笑左笑話：「呢個就係我地想用『性』換返黎嘅野。」