[絕對無糖分]就係咁，我搬左入一幢充滿一樓一嘅唐樓: １１６　心痛

時光……飛逝……

小雨已經去左香港一年，係呢一年期間，我地日日都有視象傾計，唔理果一日有幾忙都好，始終都會抽少少時間。

但係，每次見到佢前，我都好膽心佢嘅情況，唔知佢係香港過成點呢？唔知佢有無比人蝦呢？唔知……佢阿叔有無……搞佢呢？

但每次我見到佢笑容滿面，又會諗，如果佢識左令一個好朋友，會唔會慢慢唔記得我？佢對我嘅感情會唔會慢慢變淡？佢……會唔會只係扮到好開心？

「今日過成點啊？」我問。



「超多功課要做囉……都唔知點解個ＭＩＳＳ會比咁多功課。」佢答。

「咁就死得啦，妳都唔做功課。」我笑住咁話。

「妳仲笑ＷＯ，我已經對住Ｄ功課不知幾煩。」佢答。

其實，已經過左一年，我本來好怕同佢話題會慢慢無晒，但係，估唔到話題仍然不斷。

「係呢，妳阿叔有無對妳做Ｄ咩？」我問，但我每次問佢呢條問題，佢都只係輕輕帶過，然後轉其他話題。



佢咁嘅回應，另外更加膽心佢。

不過，今日呢份膽心比較少，因為我有一個好消息話佢知。

「小雨，我好快就可以返廣東。」我話。

而小雨聽到我咁講後，佢開心到彈起，然後話：「咁我地係未可以見。」

我，點一點頭。



估唔到，呢下點頭會眼泛淚光。

而我見到佢亦都一樣，笑住咁喊左出黎。

「妳而家係笑定喊啊傻妹。」我話。

「妳話呢。」佢答。

而我到廣東嘅日子亦都接近，當我到步第一日，就即刻問我親戚電腦係邊，ＳＥＴ好晒視象對話要準備嘅野後，興奮咁期待今晚同小雨對話。

電腦響起呢排我成日聽嘅歌，係陳奕迅嘅抱擁這分鐘。

忘記了世界這分鐘　跌進了這愛的裂縫　燃亮燭光　祗管相擁
來佔據了這晚星空　捉緊一剎那的認同　如夢的將來　儘管一點不懂



但係……估唔到……佢一開ＣＡＭ，我就見到佢喊過嘅眼，我呆左。

「咩事？」我問，心入面已經有不祥之兆。

而佢只係搖一搖頭。

完全明白是放縱　但是祗得這刻可相信　未來又怕會　終於都撲空
你叫我最快樂　你也叫我最心痛　愛在迷惘中
你叫我最渴望　卻也叫我猜不中　誰可以這樣折衷

我再話：「我地講過，我地之間唔可以有秘密。」

佢吱唔咁話：「阿叔……」

「係未條仆街搞妳！」我話，而佢無左出聲。



曾與你愛過卻匆匆　過去己有太多類同　誰在心中　怎猜得準
能跌進這晚愛光中　彷彿一切已經共同　仍是不敢祈求　熱戀多一分鐘

我隔住個ＭＯＮ，見到佢喊，我亦都喊，我以前從來都無呢種感覺，係我眼前呢個人雖然好似好近咁，但原來真實距離都係好遠，係呢一刻，我想抱佢但我做唔到，我想幫佢擦眼淚但我做唔到，我想保護佢……但更加做唔到……

我下意識地不停用手掌摑自己，一巴、兩巴、三巴、四巴……

「妳唔好咁啦……妳傻左咩……」小雨見到我咁，嚇親話。

但我，制唔到自己，我好想係佢身邊啊！但我而家只可以望到佢受苦！保護唔到佢！

五巴、六巴、七巴……我一邊喊，一邊掌摑自己。

完全明白是放縱　但是祗得這刻可相信　未來又怕會　終於都撲空


你叫我最快樂　你也叫我最心痛　愛在迷惘中
你叫我最渴望　卻也叫我猜不中　誰可以這樣折衷

直到，我見到……「妳做咩啊！」我見到小雨都開始掌摑自己，我停左手問。

而佢，喊住話：「如果妳要傷害自己，我都陪妳一齊傷害自己。」

我地用螢幕對視……望住大家喊……「我地行到呢一步已經花左好大氣力，妳可唔可以唔好咁傷害自己，我會心痛㗎。」小雨話。

「咁……妳知唔知我保護唔到妳，我更加心痛。」我答。

我地雙方都深呼吸左一啖，冷靜左後，佢話：「我地仲差少少咋，我受少少苦無咩問題，因為……我對妳果重……係愛。」

我係第一次從佢口中，聽到佢認愛嘅說話，然後，我答佢：「我都係。」



要說永遠愛吧卻怕仍然未相信　永未能看通
要說這晚算吧　卻覺愛己經失控　寧願再繼續抱擁

我地互望而笑，「所以，果Ｄ野對我地黎講唔重要。」佢話，而我點一點頭。

Oh　相擁　心痛